نۇر-سۇلتاندا كىتاپحاناشىلار كۇنىنە وراي ورتالىقتاندىرىلعان كىتاپحانالار جۇيەسىندە كورنەكتى مەملەكەت جانە قوعام قايراتكەرى مىرزاتاي جولداسبەكوۆپەن كەزدەسۋ كەشى ءوتتى.
شارانى بەلگىلى عالىم, رۋحانيات جاناشىرى, اكادەميك سۇندەت كاريموۆ جۇرگىزدى. «اتانعانىم مىرزاتاي – ەل ارقاسى» بەينە فيلمىنەن ءۇزىندى كورەرمەنگە كورسەتىلدى. ودان سوڭ ءسوز العان مىرزاتاي جولداسبەكوۆ كىتاپحاناشىلاردى كاسىبي مەرەكەلەرىمەن قۇتتىقتاپ, ولەڭ سوزبەن ورىلگەن ءومىر جولىنان ەستەلىكتەرمەن ءبولىستى.
كەزدەسۋ بارىسىندا ۇلتتىق قۇندىلىقتار, قوعامدىق سانا, رۋحاني جاڭعىرۋ, سالت-ءداستۇر, اتا-بابا قاسيەتتەرى, ەتنوگرافيا, عىلىمي مۇرا, ادەبيەتتانۋ, عالىم, تۇركولوگيا تاعى باسقا دا ويلار تۋرالى پىكىرلەر بولدى.
عالىم ءوزىنىڭ باسىنان وتكەن قىزىقتى وقيعالاردى ەسكە الدى. جىر الىبى جامبىلدىڭ شىعارمالارىنان ۇزىندىلەر ايتىپ, اڭگىمەلەرىن باياندادى.
سونىمەن قاتار مىرزاتاي جولداسبەكوۆتىڭ سوزىنە جازىلعان «ساعىنىپ سالەم جازدىم مىرزاتايعا» ءانىن قر ەڭبەك سىڭىرگەن قايراتكەرى جازگۇل داۋلباەۆا جانە كۇيشى اردابي ءماۋلىت «قوسباسار-تولعاۋ» كۇيىن كەش قوناقتارىنا تارتۋ ەتتى.
كەزدەسۋ سوڭىندا م.جولداسبەكوۆ ءوز قولتاڭباسىن قالدىرىپ بىرنەشە كىتابىن سىيعا بەردى. كىتاپحانا ديرەكتورى گۇلبادان ساقتاپقىزى كىتاپحانا ۇجىمى اتىنان العىس ءبىلدىرىپ, «قازاق مۋزىكاسىنىڭ انتولوگياسى» شىعارماسىن سىيلادى.
