قالا ماڭىن رەتكە كەلتiرiپ, كوشەلەر مەن اۋدان اۋماعىنداعى اۋلالاردى, جالپى قورشاعان ورتانى تازا ۇستاۋ – حالىق ءۇردiسi. اۋا رايىنىڭ قولايلىلىعىن پايدالانىپ, نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى قاراسۋ وزەنىنىڭ بويىندا «تازا سۋ» ەكولوگيالىق اكتسيا-سەنبىلىگىن وتكىزدى.
ءىس-شارا قالاداعى «Clean City NC» جشس, «استانا جاستارى» كمم جانە «بايتاق بولاشاق ەكولوگيالىق اليانسى» رقب-مەن بىرلەسىپ ۇيىمداستىرىلدى. ەكولوگيالىق اكتسياعا قاتىسۋشىلاردىڭ قاي-قايسىنىڭ دا باستى ماقساتى تۋعان قالانىڭ تازالىعىنا اتسالىسۋ بولاتىن. قولدارىنا كەتپەن-كۇرەك الىپ, سەنبىلىككە شىققاندار تۇسكە دەيىن قاراسۋ وزەنىنىڭ بويىن ايناداي ەتتى.
جىلداعى ءداستۇر بويىنشا تازارتۋ جۇمىسى بارىسىندا اتالمىش مەكەمەلەردەن سەنبىلىككە قاتىسۋشى ازاماتتار وزەن اۋماعىن تۇرمىستىق قالدىقتار مەن كۇل-قوقىستان ارىلتىپ, قاراسۋدىڭ اينالاسىن رەتكە كەلتىردى. بۇل ماڭداعى جەردىڭ ءبارى جانە جولدىڭ جيەكتەرى قولمەن تازارتىلدى. وسىلايشا سەنبىلىككە شىققاندار سول كۇنى سۋ اۋماعىنان بارلىعى 260 كەلى نەمەسە 92 قاپ قوقىس جينادى. ونىڭ 53-ءى قايتالاما شيكىزاتى بار قاپ بولسا, قالعانى – قايتا وڭدەلمەيتىن قالدىقتار.
اتالمىش اكتسياعا ەلوردالىق 80 ەرىكتى قاتىستى. ولار قورشاعان ورتانىڭ تازالىعىن ساقتاۋ ارقىلى ازاماتتاردىڭ ەكولوگيالىق ساناسىنىڭ قالىپتاسۋى مەن دامۋىنا ءوز ۇلەسىن قوستى.
