قازاقستاندا جەكە تۇلعالاردىڭ ۆاليۋتالىق يپوتەكالىق قارىزدارى تەڭگەگە اۋىستىرىلادى
باعدارلامانى ىسكە اسىرۋ قورىتىندىلارى بويىنشا قازاقستاندا جەكە تۇلعالاردىڭ ۆاليۋتالىق يپوتەكالىق قارىزدارى تەڭگەگە اۋىستىرىلادى, – دەپ مالىمدەيدى ۇلتتىق بانكتىڭ ءباسپاسوز قىزمەتى.
بيىل 27 ناۋرىزدا قازاقستان ۇلتتىق بانكىنىڭ باسقارماسى 2015 جىلدىڭ ساۋىرىندە قابىلدانعان يپوتەكالىق قارىزداردى قايتا قارجىلاندىرۋ باعدارلاماسىنا وزگەرىستەر مەن تولىقتىرۋلاردى بەكىتتى.
باعدارلامادا جەكە تۇلعالاردىڭ 2016 جىلعى 1 قاڭتارعا دەيىن تەڭگەمەن الىنعان ۆاليۋتالىق يپوتەكالىق قارىزدارىن قازاقستان ۇلتتىق بانكىنىڭ 2015 جىلعى 18 تامىزداعى باعامى بويىنشا قايتا قارجىلاندىرۋ كوزدەلەدى. ۆاليۋتالىق يپوتەكالىق قارىزداردى قايتا قارجىلاندىرۋعا ۇلتتىق بانكتىڭ قاراجاتى ەسەبىنەن 150 ميلليارد تەڭگەدەن اس اقشا ءبولىندى. ءوز كەزەگىندە, بانكتەر قارىزداردى قايتا قارجىلاندىرعان كەزدە 136 ميلليارد تەڭگەدەن اسا سوماعا سىياقى, ءوسىمپۇل (تۇراقسىزدىق ايىبى), كوميسسيالار بويىنشا قارىز الۋشىلاردىڭ بەرەشەگىن كەشىرەتىن بولادى.
قازاقستان ۇلتتىق بانكىنىڭ قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسىنىڭ باستىعى الەكساندر تەرەنتەۆ بانكتەردىڭ ۆاليۋتالىق قارىزداردى قايتا قارجىلاندىرۋ مەرزىمى 2018 جىلعى 30 جەلتوقساندا, قارىز الۋشىنىڭ قارىزدى قايتا قارجىلاندىرۋعا ءوتىنىش بەرۋ مەرزىمى – 2018 جىلعى 15 جەلتوقساندا اياقتالاتىنىنا نازار اۋداردى. ول قارىزدىڭ باعدارلاما تالاپتارىنا سايكەستىگىن انىقتاۋ ءۇشىن قارىز الۋشىلاردىڭ كرەديتور بانككە ءوتىنىش بەرۋى قاجەت ەكەندىگىن اتاپ ءوتتى.
ۆاليۋتالىق يپوتەكالىق قارىزداردى قايتا قارجىلاندىرۋعا «قازاقستان حالىق بانكى» اق, «ForteBank» اق, «بانك تسەنتركرەديت» اق, «اتفبانك» اق, «تسەسنابانك» اق, «Kaspi Bank» اق, «بانك Kassa Nova» اق, «ەۋرازيالىق بانك» اق, «Altyn Bank» اق, «سبەربانك روسسيا» اق ەب, «Bank RBK» اق, «KZI Bank» اق, «AsiaCredit Bank» اق, «بانك ۆتب (قازاقستان)» اق ەب, «الفا-بانك» اق ەب, «Capital Bank Kazakhstan» اق جانە «قازاقستان يپوتەكالىق كومپانياسى» يۇ» اق كىرىستى. 2018 جىلعى 1 قىركۇيەكتەگى جاعداي بويىنشا, بانكتەر ۆاليۋتالىق قارىزداردى قايتا قارجىلاندىرۋعا 22,2 ميلليارد تەڭگە سوماسىنا 2 504 ءوتىنىمدى ماقۇلدادى جانە 11,7 ميلليارد تەڭگە سوماسىنا 1 551 قارىز قايتا قارجىلاندىرىلدى.
