– ءسىز ۇزاق ۋاقىت بويى ساحنادان كورىنبەي ءجۇردىڭىز. تىڭدارماندارىڭىز ساعىندى. ىزدەدى. ال ءسىز ساحناسىز قالاي شىدادىڭىز؟
– ءيا, ونىڭ ءوز سەبەپتەرى بار. ءسابي ءسۇيىپ, انا اتانعىم كەلدى. انالىق مىندەتىمدى ۇزدىك دەگەن باعاعا ورىنداپ ءجۇرمىن, شۇكىر! ارينە, ساxنانى دا ساعىندىم! سودان دا شىعار, ۇيدە كۇندە اندەتىپ ءجۇردىم. بالا تەربەتىپ وتىرىپ ءان ايتامىن, تاماق دايارلاپ ءجۇرىپ ءان سالامىن. ءتىپتى بالاعا ەرتەگى وقىپ, ۇرىسقاندا دا سوڭىندا اندەتىپ, قالجىڭعا اينالدىرىپ جىبەرەمىن. سىرتتان قاراعان ادام ءبىر ميۋزيكل كورگەندەي بولادى. بالا تاربيەسىنەن الاتىن ءلاززاتىم كوپ بولعاندىقتان بولار, اسا قاتتى زارىقپادىم. ونىڭ ۇستىنە, بالاعا جەتكەن دە بار, جەتپەگەن دە بار. تەك ءوز بالالارىمدى ەمەس, شاكىرت تە تاربيەلەپ ءجۇرمىن. شاكىرتتەرىم ءان بايقاۋلارىندا ونەر كورسەتىپ, جەڭىسكە جەتىپ, مەنى قۋانتىپ ءجۇر. بولاشاقتا ساحنا تورىنەن ولاردىڭ دا ونەرىن تاماشالايسىزدار دەپ سەنەمىن.
– ءبىرشاما ۋاقىتقا سوزىلعان ۇزىلىستەن كەيىن نە بايقادىڭىز: ونەر ورتاسىندا قانداي وزگەرىستەر پايدا بولعان؟
– ۇزىلىستەن سوڭ ءبىراز نارسە وزگەرگەنىن بايقادىم. كەزىندە وزىممەن دوس بولىپ جۇرگەن كەيبىر ارىپتەستەرىم بوتەن بولىپ كەتكەندەي كورىندى.
– ال تالعام, تىڭدارمان مەن ونەر جۇلدىزدارى اراسىنداعى بايلانىس, ەسترادانىڭ بەتالىسى جات كورىنىپ, جاتىرقاعان جوقسىز با؟
– تالعام دەگەن نارسە, ارينە ءارتۇرلى بولادى عوي. بىراق بۇرىن ءبىز تىڭدارماننىڭ نە ويلايتىنىن بىلمەيتىن ەدىك جانە ونەر جۇلدىزدارىنا تىڭدارماننىڭ قولى جەتە بەرمەيتىن. قازىر ءبارى وي-پىكىرىن الەۋمەتتىك جەلىلەرگە جازاتىن بولدى. ول ءبىر جاعىنان جاقسى دا. نەگە دەسەڭىز, ءوزىڭدى سول كورەرمەننىڭ سىنىنا قاراپ تۇزەيسىڭ. وسىنداي جاعدايلاردى كورگەندە باسىندا ساxنانى ءسال جاتىرقاعانىم دا راس.
– «بالالارىم داۋىسى جاقسى بولسا دا ءانشى بولعانىن قالامايمىن» دەپسىز. نەگە؟
– ايتقانىم راس. سەبەبى كەزىندە «ونەر جولى اۋىر جول» دەپ ۇلكەندەر تەك ايتاتىن دا قوياتىن. نەگە اۋىر, نەسىمەن اۋىر دەگەندە ەشكىم جاۋاپ بەرە المايتىن. بالكىم, مەنىڭ ونەرگە دەگەن قىزىعۋشىلىعىم وردان ءارى ارتقانى سودان دا شىعار. ەگەر ءدال مەن سياقتى بالالارىنا ونەر جولىنداعى اق پەن قارانى تانىستىرسا, مۇمكىن مەن دە ويلانار ەدىم..
– سوندا ءوزىڭىز ءانشى بولعانىڭىزعا وكىنەسىز بە؟
– جوق, ارينە. وكىنبەيمىن. بىراق ماعان سالسا, بالالارىمنىڭ ءانشى بولعانىن قالامايمىن. ونەردى تەك ءحوببيى رەتىندە الىپ جۇرسە ەكەن دەيمىن.
– ونەر ادامدارى اراسىنداعى داۋىسى ەرەكشە تۇلعا بولعاندىقتان, ءسىزدىڭ قازاق ءان ونەرىنە قوسقانىڭىز شوقتىعى بيىك تۋىندىلار, ءالى بەرەرىڭىز كوپ ەكەنىنە ءبىز سەنەمىز. ال ونەر سىزگە نە بەردى؟
– راقمەت! مەن ءومىردى وسى ونەر جولى ارقىلى تانىپ, بۇكىل ءومىرىم ونەرمەن بايلانىستى بولعاندىقتان, باقىتىمدى دا, سىناقتاردى دا وسى جولدان كورىپ وتىرمىن. ونەر جولى ماعان كوپ قيىندىقتارمەن كەلگەن تاجىريبە بەردى. چتوبى سىگرات ۆ سلوت پين اپ اۆياتور پروستو زايديتە نا سايت كازينو ي پەرەيديتە ۆ رازدەل "سلوتى". ۆىبەريتە Aviator ۆ كاچەستۆە يگرى, ۆ كوتورۋيۋ ۆى حوتيتە سىگرات, ي سلەدۋيتە ينسترۋكتسيام نا ەكرانە, چتوبى ناچات يگرۋ. پەرەد ناچالوم يگرى وبيازاتەلنو وزناكومتەس س ينسترۋكتسيامي پو يگرە ي ۆىپلاتام.
– قازىر انشىلەر بىلاي تۇرسىن, اقىندار, اكتريسالار, ءتىپتى مەنىڭ كەيبىر ارىپتەستەرىم دە داۋىسى بولماسا دا ستۋديادا اپپاراتتىڭ كۇشىمەن ارلەپ داۋىس جازدىرىپ, ءانشىنىڭ وبرازىن جاساپ توي-جيىندا ونەر كورسەتۋدى كاسىپكە اينالدىرعان. تابىسى دا جامان ەمەس سەكىلدى… ال ءسىز وسى تابيعي ونەرىڭىز ارقىلى تۇرمىس قاجەتىن وتەي الىپ ءجۇرسىز بە؟
– مەن ءانشى بولۋدى بالا كەزدەن ارماندادىم. بىراق وسى سالا بويىنشا قانشا جىل وقىپ, ەلدىڭ اتىنان ۇلكەن دودالارعا ءتۇسىپ, جول اپاتىنا ۇشىراپ, مي شايقالىپ جاتسا دا نامىسقا تىرىسىپ, جۇلدەگە جەتىپ, گاسترولدىك ساپاردا ميىڭا سۋىق ءتيىپ, اياق-قولىڭ ىستەمەي قالىپ, گورمون دارىلەرمەن عانا جانىڭ امان قالىپ, ودان ارتىق سالماق قوسىپ الىپ, ونى تاستايمىن دەپ تاعى الەككە ءتۇسىپ – وسىلاي ءبىر ءسۇرىنىپ, ءبىر تۇرىپ, جانتالاسىپ جۇرگەنىڭدە جۇرتتىڭ «پىسىق» بالالارى كوشەدەن كەزدەيسوق كەلىپ جەڭىل-جەلپى اندەرمەن وپ-وڭاي جۇلدىز بولىپ جاتقاندا ءبارىبىر ويلانىپ قالادى ەكەنسىڭ… مىندەتسىنگەندەي بولمايىن, بىراق شىندىعى وسى.
– ءسىزدىڭ ويىڭىزشا, ونەر ادامدارى بۇقارا حالىقتىڭ تالعامىنا, بۇقارالىق مادەنيەتكە يكەمدەلۋگە ءتيىس پە, الدە ەل مادنيەتىن كوتەرۋگە كۇش سالۋعا مىندەتتى مە؟
– نەگىزى «ونەر ادامى» دەپ سەنىم ارتقاننان كەيىن ءبىز xالىقتىڭ الدىندا بيىك دارەجەدە ونەر كورسەتىپ, شىنايى اتا-بابامىزدان قالعان ونەردى ناسيxاتتاپ, ادەمى تالعامدى ۇستانىپ ءجۇرۋىمىز كەرەك! وكىنىشكە قاراي, اقشانىڭ بۋىمەن كەزدەيسوق كەلگەن ونەرپازدار اراعا كىرىپ كەتكەندىكتەن, ءبىز دە قازىر زامانعا ساي اندەرگە يكەمدەلۋگە ءماجبۇر بولىپ ءجۇرمىز.
– كوپ انشىلەر ءانى تەز تارالىپ, تەز جاتتالۋى ءۇشىن مۇمكىندىگىنشە ءسوزىن جەڭىل ەتىپ جازدىرۋعا تىرىسادى. تابىستى بولۋ ءۇشىن توي اندەرىن كوبىرەك جازادى… سوڭعى كليپىڭىزدىڭ جارناماسىنا قاراعاندا ءسىز دە باعىتىڭىزدى وزگەرتكەندەي كورىندىڭىز؟
– جالپى مەن ءاننىڭ سوزدەرىنە ۇلكەن ءمان بەرەمىن جانە ءان تاڭداعاندا دا وتە كىرپيازبىن. شىنىمدى ايتسام, «كەل بيلەيىك» ءانىن ستۋديادا جازۋ مەن ءۇشىن قيىن بولدى. سەبەبى تىم جەڭىل سياقتى سەزىلدى. بىراق, «قاشانعى مەن جۇرت قوسىلىپ ورىنداي المايتىن, كوبى تۇسىنبەيتىن, ماعىناسى تەرەڭ, قيىن, كۇردەلى اندەر ورىنداي بەرەمىن» دەگەن ويعا كەلدىم. ونىڭ ۇستىنە, «سوزدە جان بار» دەگەن راس سياقتى. ورىندايتىن ءانىڭىڭ ءسوزى ءانشىنىڭ تاعدىرىنا اسەر ەتىپ جاتادى. سول سەبەپتى, ءبىر كوڭىلدى ءاندى رەپەرتۋارىما قوستىم.
– سوندا ءسىز ەندى «العاشقى كوكتەم» سەكىلدى مۇڭلى اندەر ورىنداۋدان باس تارتاسىز با؟
– كەڭ تىنىستا ورىندالاتىن, ايەلدىڭ باقىتتى ساتتەرىن سيپاتتايتىن سوزگە جازىلعان اندەردى البەتتى ورىندايمىن.
– ءسىزدىڭ داۋىسىڭىزداي داۋىس وتە سيرەك. سوعان لايىق ءان تابۋ قيىن ەمەس پە؟
– داۋىسىما بەرگەن باعاڭىزعا راحمەت! جالپى مەن وزىمە ءان تاڭداعاندا قاتەلەسپەسەم ەكەن دەپ تۇرامىن. تابيعي بولمىسىما, داۋىسىمنىڭ تەمبرىنە ساي كەلەتىن اندەردى عانا ورىنداعىم كەلەدى. سول ءۇشىن ۇنەمى ىزدەنىس ۇستىندە جۇرەمىن. بىراق, جاڭا دا ايتتىم عوي, كەيدە باعىتىڭدى سانالى تۇردە وزگەرتۋگە ءماجبۇر بولاسىڭ. تۇرمىس قامى, تاعدىر ماسەلەسى بار… ال ەكىنشى جاعىنا كەلسەك, ءدال ويىڭداعىداي ءان تابۋ, راسىندا وڭاي ەمەس. اركىم ءوز تالعامىن بيىك كورەتىن شىعار. بىراق, ماعان قازىرگى كەزدە «تىڭداپ كورىڭىزشى» دەپ جىبەرگەن اندەردى ەستىسەڭىز, جىلاعىڭىز كەلەدى…
– گاۋھار قاسپاقوۆا دەسەك كوبى «جامعىر», «قىسمەت», «قۇس جولى», «العاشقى كوكتەم» سەكىلدى اندەردى ايتادى. «سۇيەدى ەكەم», «مەن سەنى ويلايتىنمىن», «ايىپتىسىز» سەكىلدى اندەرىڭىز دە قۇلاعىمىزدا قالىپ قويعان… سىزدەن كەيىن بۇل اندەردى ورىنداۋعا ەشكىمنىڭ باتىلى جەتپەيتىن سەكىلدى… بىراق ورىندايتىن اندەرىڭىزدىڭ ءبارىن ءبىز جاتقا بىلەتىنىمىزگە قاراعاندا رەپەرتۋارىڭىز تىم جۇتاڭ سياقتى…
– نەگىزى مەن كەز كەلگەن نارسەدە سانعا ەمەس, ساپاعا قارايمىن. كەزىندە قاي ءاندى ورىنداسام دا حيت بولاتىن. سول سەبەپتەن دە ءسىز ورىندايتىن اندەرىمدى جاتقا ايتىپ وتىرسىز.
– استاناعا كەلىپ تۇراسىز با؟
– ۇسىنىس تۇسكەندە كەلىپ تۇرامىن.
– رەسەيدىڭ, جالپى شەتەل ونەر جۇلدىزدارى شاقىرىلعان كونتسەرتتەردەن سىزدەر نەگە كورىنبەيسىزدەر؟ الدە كوپ قالاماقى سۇرايسىزدار ما؟
– ءيا, كوپ قالاماقى سۇرايمىز. (كۇلەدى.) ونداي كونتسەرتتەرگە شوۋ جاسايتىن انشىلەردى شاقىرادى. ءبىز ناز ايتىپ جاتساق, «بۇل كونتسەرتتىڭ فورماتى بولەك» دەپ شىعادى.
– وتكەن جىلى ءبىر سۇحباتىڭىزدا «الداعى جىلى جاڭا البومىمدى ۇسىنامىن» دەپسىز… ءسۇيىنشى حابار قاشان بولادى؟
– جاڭا اندەر جينالىپ جاتىر. بۇيىرتسا, سۇيىنشىلەيتىن كۇن الىس ەمەس شىعار.
– وپەرا ءانشىسى نۇرجامال ۇسەنباەۆا «تىنىشتىقتى تىڭداپ دەم الامىن» دەپ ەدى… ال ءسىز قالاي دەمالاسىز؟ ءحوببيىڭىز نە؟
– جالپى, مەن وتە سەزىمتال ونەر ادامى رەتىندە تابيعاتتا دەمالعاندى ۇناتامىن. كولدىڭ جاعاسىندا, تاۋدىڭ بوكتەرىندە, ورماندى اعاشتاردىڭ اراسىندا سەرۋەندەگەندە دەم الامىن. بالالارىمنىڭ يىسىنەن ءنار الامىن. ازىرگە تىنىشتىقتى جاقسى كورمەيمىن. ماعان ءدال قازىر تىنىشتىق ەمەس, كوبىرەك ىزدەنىس قاجەت بولىپ تۇر.
اڭگىمەلەسكەن, ءنازيرا بايىربەك
