قيسىق بىتكەن بۇتاقتاي…

ايەلدەردىڭ بويىنداعى گورموندى وزگەرىستەر دە اياق بۋىندارىنىڭ جالعاپ تۇرعان سىڭىرلەرىن وزگەرتىپ, سوزىلۋىنا الىپ كەلەدى. ونىڭ دا ءۇش ساتىسى بولادى. العاشقىسى باشپايدىڭ سۇيەگى 15 گرادۋسقا دەيىن, ەكىنشى ساتىسىندا 20 گرادۋستان 35 گرادۋسقا دەيىن قيسىق ءوسىپ كەتەدى.
– قازىرگى كۇندە ۆالگۋس اۋىتقۋلارىنىڭ ەكىنشى ساتىسى باستالعاننان سۇيەكتىڭ تۇسىن كەسىپ, سۇيەكتى الىپ تاستاۋعا بولادى. ەمنىڭ ەكىنشى ءبىر تۇرىندە الىنعان قيسىق سۇيەكتىڭ ورنىنا تەمىر بەكىتكىش سالىپ, ورنى بىتكەننەن كەيىن الىپ تاستايدى. يمپلانتات سالاتىن ءتۇرى دە وتە ىڭعايلى. باقايدى 1 جانە 1,5 سم ەتىپ ءتىلىپ, قيسىق سۇيەكتى الىپ تاستاپ يمپلانتات كيگىزەدى. بۇرىندارى وتادان سوڭ گيپس تارتىپ, بەينەتكە قالاتىن ەدى. قازىر ويلاپ تاپقان ادامنىڭ اتىمەن اتالاتىن «بارۋك» اياق كيىمىن كيگىزىپ, وتادان كەيىن ەكىنشى تاۋلىكتە اياققا تۇرعىزادى. ءۇش-ءتورت ايدان كەيىن وتانىڭ ءىزى دە بىلىنبەي, تۋفلي كيىپ, جاقسارىپ كەتەدى. بۇل, نەگىزى, ادام سىمباتىنا كوبىرەك قاتىستى وتا. جازدىگۇندەرى اپتاسىنا 15-تەي ادام وتا جاساتىپ جاتادى. بىردەن ەكى اياققا قاتار جاسالادى. سول سەبەپتى مۇنى ەكىگە كوبەيتىڭىز, – دەيدى ورتوپەد- تراۆماتولوگ باقتىباي اتاباي.
ءبىز ماقالامىزدا ايتىلعان ەكى ماماننىڭ كەڭە­سىنىڭ ەكەۋى دە ايەلدەردە ءجيى كەزدەسەتىن اۋرۋدىڭ ءتۇرى. ءجۇرىس-تۇرىسىمىز جەڭىل بولىپ, دەنىمىز ساۋ بولۋى اياق كۇتىمىنە دە بايلانىستى.