ەلوردانىڭ قوعامدىق ورىندارىنداعى قىلمىستار وتكەن جىلدىڭ وسى كەزەڭىمەن سالىستىرعاندا 29,6 پايىزعا تومەندەگەن. جاسوسپىرىمدەر قۇقىق بۇزۋشىلىعى دا 41 پايىزعا ازايعان. الايدا بيىلعى التى اي ىشىندە وزىنە-ءوزى قول جۇمساۋ وقيعالارى كوبەيگەن.
قالالىق ءماسليحاتتىڭ زاڭدىلىق, قۇقىقتىق ءتارتىپ جانە قوعاممەن جۇمىس ماسەلەلەرى جونىندەگى تۇراقتى كوميسسيا وتىرىسىندا وسىلاي دەپ مالىمدەگەن نۇر-سۇلتان قالاسى پوليتسيا دەپارتامەنتى باستىعىنىڭ ورىنباسارى سابىر جۇسىپبەكوۆ كامەلەتكە تولماعاندار اراسىندا قۇقىق بۇزۋشىلىقتىڭ الدىن الۋ, بالالاردىڭ قاراۋسىز قالۋى مەن قاڭعىباستىقتى بولدىرماۋ بويىنشا اتقارىلىپ جاتقان جۇمىستار جايىندا بايانداما جاسادى.
ونىڭ ايتۋىنشا, وسى باعىتتا وتكىزىلگەن ءارتۇرلى شارالار بارىسىندا 200-دەن اسا اتا-انانىڭ قاتىسۋىمەن جينالىستار جانە 1500-دەن استام جاسوسپىرىممەن اڭگىمەلەسۋ جۇرگىزىلگەن. ءتۇرلى جۇمىستاردىڭ اراسىندا جاسوسپىرىمدەردىڭ بوس ۋاقىتىن دۇرىس ۇيىمداستىرۋ جانە ولاردى قوعامدىق جۇمىستارعا تارتۋعا باسا ءمان بەرىلدى. قالا مەكتەپتەرىندە جاس ينسپەكتورلاردىڭ 78 جاساعى قۇرىلدى. ءار جاساققا 10 جاسوسپىرىمنەن ەنگىزىلگەن. ياعني 780 ءجاسوسپىرىم وقۋشىلارى اراسىندا جول قوزعالىسى ەرەجەلەرىن ناسيxاتتايدى.
– بالالاردىڭ تاربيەسىنە جاۋاپسىزدىقپەن قارايتىن اتا-انالارمەن جۇمىس بارىسىندا جىل باسىنان بەرى 2 مىڭعا جۋىق اتا-اناعا شارا قولدانىپ, 171 ءجاسوسپىرىم دەپارتامەنت ەسەبىنە قويىلدى. كامەلەتكە تولماعانداردى جۇمىسقا الۋ بويىنشا زاڭعا قايشى ارەكەتتەردى دە انىقتادىق. كەزەكتى رەيد بارىسىندا قالاداعى تۇنگى كلۋبتاردىڭ بىرىندە 2003 جىلى تۋعان ءجاسوسپىرىم بارمەن بولىپ جۇمىس ىستەگەن. وقيعا انىقتالعان سوڭ ءجاسوسپىرىم جۇمىستان شىعارىلىپ, ونىڭ اتا-اناسى مەن كلۋب اكىمشىلىگى جاۋاپكەرشىلىككە تارتىلدى, – دەيدى س.جۇسىپبەكوۆ.
ءبىلىم باسقارماسىنىڭ باسشىسى ءانۋار جانعوزيننىڭ مالىمدەۋىنشە, باس قالادا كامەلەتكە تولماعان 32 مىڭنان استام ءجاسوسپىرىمنىڭ پسيحولوگيالىق جاعدايىنا دياگنوستيكا جۇرگىزىلدى. قورىتىندىسىندا پسيحولوگيالىق جاعدايى كۇمان تۋعىزعان 680 ءجاسوسپىرىم, سونىڭ ىشىندە وزىنە-ءوزى قول جۇمساۋعا بارۋعا ىقتيمال 389 بالا انىقتالدى. بۇگىندە ولارمەن ارنايى ماماندار جۇمىس ىستەپ جاتىر. باسقارما باسشىسىنىڭ پىكىرىنشە, بۇل ىسكە مەكتەپ پسيحولوگتارىنان بولەك قوعامدىق دەنساۋلىق ساقتاۋ باسقارماسىنىڭ ماماندارىن تارتۋ قاجەت. قالا مەكتەپتەرىندە پسيxولوگتاردىڭ تاپشىلىعى بولماسا دا, اتالمىش ماماندار جۇمىسى بەلگىلەنگەن شامادان اسىپ تۇر. قازىرگى ۋاقىتتا ءبىلىم جانە عىلىم مينيسترلىگى ءار پسيxولوگ مامانعا 300-500 وقۋشىدان كەلۋ كەرەك دەگەن ماسەلەنى قولعا الىپ جاتىر. ەگەر ءتيىستى قۇجات بەكىتىلسە, ۇلكەن مەكتەپتەر مەن كوللەدجدەردە پسيxولوگتاردىڭ سانىن ارتتىرۋ قاجەتتىلىگى تۋىندايدى.
قالا اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا xاتشىسى ريمما يمانعازينوۆانىڭ مالىمەتىنشە, قازىرگى تاڭدا ەلوردادا ءۇش ءجۇز مىڭنان استام ءجاسوسپىرىم بار. وسى كۇندەرى پوليتسيا دەپارتامەنتىنىڭ ەسەبىندە كامەلەتكە تولماعان 221 بالا تۇر. وسى جىلى العاش رەت ولاردى «جاسىل ەل» باعدارلاماسى بويىنشا جۇمىسقا تارتۋ قولعا الىندى.
