قۇرباندىقتىڭ قۇنى قانشا؟

– بازار اكىمشىلىگى ءىرى قارانىڭ باعاسى 315 مىڭ تەڭگە شاماسىندا بولادى دەپ وتىر. ەگەر 7 ادام بىرىگىپ, ءبىر ءىرى قارا قۇرباندىققا شالسا, ءبىر ادامعا 45 مىڭ تەڭگەدەن اينالادى. ول سومانىڭ ىشىنە بارلىعى كىرەتىنىن ەسكەرۋ كەرەك. ياعني قاساپشىلار مالدى سويىپ, ءبولىپ, ءبارىن دايىنداپ بەرەدى. ەت جەتىگە بولىنگەننەن كەيىن جەتى ادام الىپ كەتە مە, قايىرىمدىلىققا بەرە مە – ءوزى شەشەدى. ارينە, ءبىز مال ساتۋشىلاردان باعانى قاتتى قىمباتتاتپاۋدى سۇرايمىز. سەبەبى حالىققا قيىندىق جاساماۋ كەرەك, كەرىسىنشە, كومەك بەرىلۋى ءتيىس. نارىقتىق باعا قالاي بولسا, سول بويىنشا ساتۋدى سۇرايمىز, – دەدى قازاقستان مۇسىلماندارى ءدىني باسقارماسى توراعاسىنىڭ ءبىرىنشى ورىنباسارى, نۇر-سۇلتان قالاسىنىڭ باس يمامى
ناۋ­رىزباي وتپەنوۆ.
نۇر-سۇلتان قالاسى قوعامدىق دامۋ ىستەرى باسقارماسىنىڭ ءبولىم باسشىسى ادىلەت تولەۋتاەۆ بازار باسشىلارىنا ءتۇسىندىرۋ جۇمىستارى جۇرگىزىلگەنىن ايتتى. «مالدىڭ باعاسى بويىنشا ءبىز بازار باسشىلارىنا ءتۇسىندىرۋ جۇمىستارىن جۇرگىزدىك. مەرەكە كەزىندە مالعا دەگەن سۇرانىس وتە جوعارى بولادى. جالپى, بىلتىرعى جىلدىڭ تاجىريبەسى بويىنشا ۇساق مالدىڭ – قويدىڭ ەڭ قىمبات باعاسى 40-50 مىڭ تەڭگەنىڭ شاماسى بولۋى مۇمكىن. ال توقتىنىڭ قۇنى 20 مىڭ تەڭگەدەن باستالادى» دەدى اكىمدىك وكىلى. جالپى, قالا بويىنشا 7 قۇرباندىق شالۋ ورنى بەلگىلەنىپ وتىر.