استانا قالاسىنىڭ اكىمشىلىك سوتى كوشى-قون سالاسىنداعى زاڭنامانى بۇزعانى ءۇشىن شەتەلدىك 1 548 ازاماتتى كىنالى دەپ تانىدى.
استانا قالاسىنىڭ مامانداندىرىلعان اۋدانارالىق اكىمشىلىك سوتىندا 2016 جىلدىڭ ءبىرىنشى توقسانىندا شەتەل ازاماتتارىنىڭ قازاقستان رەسپۋبليكاسىنىڭ حالىقتىڭ كوشى-قون سالاسىنداعى زاڭناماسىن بۇزعانى ءۇشىن 1548 ازاماتقا قاتىستى اكىمشىلىك ىستەر قارالدى. بۇلار – رەسەي فەدەراتسياسى, وزبەكستان, قىرعىزستان, گرۋزيا, ۋكراينا ازاماتتارى ەكەنى انىقتالدى.
قازاق ەلى ميگراتسيالىق پروتسەستەر بەلسەندى جۇرەتىن ترانزيتتىك مەملەكەت بولىپ وتىر. اسىرەسە, ورتا ازيادان مىڭداعان ادام جۇمىس تابۋ ماقساتىندا ەلىمىزگە اعىلادى. كورشى ەلدەردەگى ساياسي احۋال مەن ازاماتتارىن جۇمىسپەن قامتۋ ءمۇمكىندىكتەرىنىڭ شەكتەۋلىلىگى دە ميگرانتتاردىڭ ارتۋىنا سەبەپ. ولاردىڭ اراسىندا زاڭنامانى بۇزاتىندار دا بارشىلىق. ۋاكىلەتتى ورگاندار زاڭدى قونىشىنان باسقاندارعا قاتىستى اكىمشىلىك قۇقىق بۇزۋشىلىقتار تۋرالى كودەكستىڭ 517-بابى بويىنشا اكىمشىلىك قۇقىق بۇزۋشىلىق تۋرالى حاتتامالار تولتىرعان.
استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىلارىمەن 1534 ازامات اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلدى. 14 اكىمشىلىك ءىس توقتاتىلسا, 702 ازاماتقا اكىمشىلىك ايىپپۇل سالۋ, 180 ازاماتتى قاماققا الۋ جانە 651 ازاماتتى قازاقستان رەسپۋبليكاسىنىڭ شەگiنەن اكىمشىلىك جولمەن شىعارىپ جiبەرۋ تۇرىندە جازا تاعايىندالدى.
قىمبات نۇرعالي
