– دەموكراتيالى قوعامدا مەملەكەتتىك بيلىكتى ۇيىمداستىرۋدىڭ باستى فورماسى – ءادىل سايلاۋ جۇيەسى بولىپ تابىلادى. سايلاۋ – مەملەكەتتىك بيلىككە, لاۋازىمدارعا تۇلعالاردى تاڭداۋدىڭ ساياسي ناۋقانى. قازاقستان رەسپۋبليكاسى پرەزيدەنتتىك باسقارۋ نىسانىنداعى زايىرلى ءارى ءبىرتۇتاس مەملەكەت بولعاندىقتان جالپىعا بىردەي, تەڭ سايلاۋ وتكىزۋ قر كونستيتۋتسياسى شەڭبەرىندە ناقتى بەكىتىلگەن.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2022 جىلدىڭ 21 قىركۇيەگىندەگى بۇيرىعى نەگىزىندە كەزەكتەن تىس پرەزيدەنت سايلاۋى وسى جىلدىڭ 20 قىركۇيەگى بولىپ بەكىتىلگەن بولاتىن. مەملەكەت مۇددەسىن بارىنەن بيىك قوياتىن قر پرەزيدەنتى ق.ج.توقاەۆتىڭ بۇل شەشىمى – ادىلەتتى قوعام قۇرۋدىڭ باستى تالابى رەتىندە ءادىل سايلاۋ وتكىزۋ.
بيىلعى كەزەكتەن تىس پرەزيدەنت سايلاۋىن وتكىزۋدىڭ باستى قاجەتتىلىگى – قازىرگى كەزدەگى گەوساياسي تۇراقسىزدىق جاعدايىندا مەملەكەتتىك بىرتۇتاستىقتى ساقتاۋ, السىرەگەن ەكونوميكانى قالپىنا كەلتىرۋ مەن قوعامدىق تۇراقتىلىقتى قامتاماسىز ەتۋ. بۇل ەل پرەزيدەنتىنىڭ سايلاۋ تۋرالى جارلىقتى بەكىتۋدەن بۇرىن ەل تۇرعىندارىنا جاساعان مالىمدەمەسىندە ايقىن سيپاتتالادى: «ادىلەتتى قازاقستاندى» قۇرۋ جولىندا جاڭا رەفورمالاردى جۇزەگە اسىرۋ ءۇشىن جاڭا سەنىمدى ماندات قاجەت» دەپ مالىمدەدى. دەمەك, بيىلعى سايلاۋدان كەيىن ەل ەكونوميكاسى تۇراقتى دامىپ, حالىقتىڭ ءال-اۋقاتى مەن تۇرمىس ساپاسىن جاقسارتۋدى كوزدەيتىن ۇزاق مەرزىمدى مىندەتتەر جۇزەگە اسادى دەپ ەسەپتەيمىز.
بيىلعى سايلاۋدا «ادىلەتتى قازاقستاندى» قۇرۋدىڭ العىشارتى رەتىندە پرەزيدەنت ەندى ءبىر رەت 7 جىل مەرزىمگە سايلانادى. بۇل ەندى ەلدە بەلگىلى ءبىر تۇلعانىڭ نەمەسە اۋلەتتىڭ بەلگىلى ءبىر ارتىقشىلىعىنا شەكتەۋ قويادى جانە ول ءادىل تۇردە وتكىزىلگەن سايلاۋ ارقىلى جۇزەگە اسپاق. دەمەك, وسى 7 جىل ىشىندە ەلدە كوپتەگەن رەفورمالار مەن وزگەرىستەر ورىن الادى, ماڭىزدى ستراتەگيالىق باعدارلامالاردىڭ ورىندالۋى ءۇشىن ءتيىمدى مەرزىم بولماق.
«جاڭا قازاقستاندى» قۇرۋ جولىندا بيلىكتىڭ باتىل قادامدارى مەن ەل دامۋى ءۇشىن جاساعان رەفورمالارى جانە ادىلەتتى قوعام قالىپتاستىرۋدىڭ قاجەتتىلىگى بار. ەلىمىزدە ورىن العان كوپتەگەن ساياسي وقيعالاردىڭ باسىندا الەۋمەتتىك-تۇرمىستىق جاعدايلاردىڭ تۇرعانى بەلگىلى. ەلدە ورىن العان تولقۋلار قوعامنىڭ ءبىرتۇتاس ماقسات جولىندا بىرىگىپ, ۇلتتىڭ جاڭا ساپاسىن قالىپتاستىرۋدى قالايتىنى بەلگىلى.
گەوساياسي تۇراقسىزدىق جاعدايىندا كەزەكتەن تىس سايلاۋ وتكىزۋ – ەڭ باتىل قادام رەتىندە ۇلكەن وزگەرىستەردىڭ بولاتىنىنا كەپىلدىك بەرەدى. سونىمەن قاتار, پرەزيدەنتكە ءبىر عانا وكىلەتتىلىك بەرىلۋ ارقىلى حالىقپەن ساناساتىن, حالىقتىڭ ەلدەگى ساياسي وزگەرىستەردى الدىن الا بىلەتىن جانە مەملەكەتتە «جەكە بيلىكتىڭ» بولۋىنا توسقاۋىل قويادى.
تۇيىندەپ ايتقاندا, بۇل سايلاۋدا ەلدىگىمىزدى, بىرلىگىمىزدى كورسەتۋىمىز كەرەك. ويتكەنى بۇل سايلاۋ مەملەكەتتىڭ دامۋىنا, كەلەشەگىنە جاڭا سەرپىن بەرەدى.
سىمبات داۋلەت,
№38 مەكتەپ-ليتسەيدىڭ تاريح ءپانى مۇعالىمى
