استانا اكىمى اپپاراتىنىڭ اپتالىق جينالىسىندا قالا تىرشىلىگىنە قاتىستى وزەكتى ماسەلەلەر قارالدى.
ەلوردا اكىمىنىڭ ءبىرىنشى ورىنباسارى سەرگەي حوروشۋن تۇرعىن ءۇي قۇرىلىسىنداعى ۇلەسكەر قاتىسۋشىلاردىڭ ماسەلەلەرى جونىندە مالىمەت بەردى. ۇلەسكەرلەر پروبلەماسىن شەشۋ بويىنشا جۇرگىزىلىپ جاتقان شارالاردى باياندادى.
اكىمنىڭ ورىنباسارى قوسمان ايتمۇحانبەتوۆ قالا بويىنشا كوكتەمگى سۋ تاسقىنىنىڭ الدىن الۋعا قاتىستى جۇرگىزىلىپ جاتقان جۇمىستار جايىندا ايتتى. بۇگىندە ەلوردا اۋداندارىنىڭ جەكە سەكتورىنان قار شىعارۋ جۇمىسى جالعاسۋدا. سونىمەن قاتار, قالاعا جاقىن جاتقان مايبالىق كولىنىڭ ۇستىڭگى جاعىنا تەكسەرۋ جۇرگىزىلگەن, ونىڭ قورىتىندىسىندا قالىڭ قاردىڭ جاتپاعانى انىقتالعان. تۇپتەپ ايتقاندا, استانادا سۋ تاسقىنىنا قاتىستى جاعداي تۇراقتى جانە باقىلاۋدا ەكەن.
