ءتىل شەبەرى
ەلوردادا جاس مەملەكەتتىك قىزمەتشىلەر اراسىندا «ءتىل شەبەرى-2019» اتتى بايقاۋ ءوتتى. بۇل شارانى قالالىق تىلدەردى دامىتۋ جانە ارحيۆ ءىسى باسقارماسى ۇيىمداستىردى.
بايقاۋعا قاتىسۋعا 21 مەن 30 ارالىعىنداعى جاستاردان 27 قىزمەتكەردەن ءوتىنىش ءتۇسىپ, ىرىكتەۋدەن 18 جاس ءوتتى. كونكۋرس ءۇش كەزەڭنەن تۇردى. ۇمىتكەرلەر ءبىرىنشى كەزەڭدە ۇلتتىق كيىممەن ساحناعا شىعىپ, قازاق تىلىندە ءوزىن تانىستىرسا, ەكىنشى بولىمدە اعىلشىنشا ونەر كورسەتتى. ءۇشىنشى «ۇلتتانىم» اتالىمىندا ورىسشا قويىلعان سۇراقتارعا جاۋاپ بەردى. جالپى, بۇل شارانىڭ ماقساتى جاستاردىڭ بىرنەشە ءتىلدى ەركىن مەڭگەرۋىن دارىپتەيدى.
سونىمەن, بايقاۋدىڭ قورىتىندىسى بويىنشا مەملەكەتتىك مۇلىك جانە جەكەشەلەندىرۋ دەپارتامەنتىنىڭ قىزمەتكەرى گۇلجان سەرىك 1-ورىندى جەڭىپ الدى. 2-ورىندى قالاداعى №55 ورتا مەكتەپتىڭ مۇعالىمى ءمولدىر جاقسىلىق يەلەندى. 3-ورىندى «نۇرلى جۇرەك» الەۋمەتتىك قىزمەت كورسەتۋ ورتالىعىنىڭ مامانى پەريزات ۇسەنباەۆا مەن №54 مەكتەپتىڭ ۇستازى بەكسۇلتان باسىقارا ءبولىستى. جەڭىمپاز اتانعان قىزمەتكەر رەسپۋبليكالىق بايقاۋعا جولداما الدى. جۇلدەگەرلەردىڭ ءبارى باعالى سىيلىقتارمەن ماراپاتتالدى.