ەلوردا تۇرعىنى, جاسى جەتپىس ەكىدەن اسقان كەڭەس شوقانۇلى زۋبايروۆ مەرەيلى جاسقا كەلىپ وتىرعان ەلىنە ۆەلوشەرۋ جاساۋدى جوسپارلاعان. وعان ەكى جىلداي دايىندالعان. ۆەلوسيپەد ساتىپ الىپ, استانا وڭىرىندە دايىندىق جاساعان. تۋعان اۋىلى – بەستوبە.
مەكتەپتى سوندا بىتىرگەن, ارميا قاتارىندا بولىپ, ەلگە ورالعان سوڭ التىن وندىرەتىن شاحتادا ون بەس جىلدان استام ەڭبەك ەتكەن. كەڭەسكە بەستوبەنىڭ ءاربىر ءۇيى, كوشەسى ءتىپتى شاحتادان شىعارىلعان تاستارىنا دەيىن ىستىق. وسىنداي ەلدى مەكەننىڭ بۇگىندە جۇدەڭكىرەپ تۇرعانىنا نارازى. شاحتالاردىڭ ءبىرازى جابىلعان, جۇمىسسىزدار سانى ارتقان. كەڭەس شوقانۇلى الدىنا قويعان جول جوسپارىن ابدەن پىسىقتاپ, 1 تامىز كۇنى جولعا شىقتى. بۇرىن مۇنداي الىس جولعا ۆەلوسيپەدپەن شىقپاعان ادامعا, ارينە, العاشقىدا اۋىر بولادى. سوعان قاراماستان بوزايعىر, شورتاندىنى باسىپ كەشكى التىنىڭ شاماسىندا اقكول قالاسىنا جەتەدى. قالانىڭ ءبىر قوناق ۇيىنە ات باسىن تىرەيدى. تاڭەرتەڭ تۇرسا, دەنەسى ءبارى ۇزاق قوزعالىستان اۋىرىپ قالعان. كىشكەنە جاتتىعۋلارىن جاساپ, تاڭعى اس ءمازىرىن جاساپ, ساعات توعىزدار شاماسىندا ستەپنوگورسك قالاسىنىڭ باعىتىنا شىعىپ كەتەدى. قەنەس, ازات, قارابۇلاق اۋىلدارى ارقىلى ءوتىپ كەشكى بەستەردىڭ شاماسىندا ستەپنوگورسك قالاسىنىڭ ستەللاسىنا جەتەدى. وسى جەردە «قازاق اسحات ەسىمدى وكىلدەرى قارسى الىپ, سۇحبات الادى. «مەنىڭ كىم ەكەنىمدى, جولعا شىعۋداعى ماقساتىم نە ەكەنىن ايتىپ بەردىم» دەدى ۆەلوشاباندوز. ەكىنشى كۇن ءبىرىنشى كۇنگە قاراعاندا جەڭىلدەۋ بولسا كەرەك, ونشا قاتتى شارشاماپتى. تۇندە جۇرۋگە ۆەلوسيپەدىمنىڭ جارىعى جوق, قونۋعا تۋرا كەلەدى. ءۇشىنشى كۇنى تۋعان ەلىنە بەستوبەگە اقسۋ, بوگەمباي ارقىلى جول تارتادى. بۇل ءوڭىر كەڭەس شوقانۇلىنا وتە تانىس, ءاربىر توبەسى, جەرى بەلگىلى. ونىمەن قوسا ءۇشىنشى كۇن بولعان سوڭ اجەپتاۋىر توسەلىپ قالىپتى. ەلىمە ون شاقىرىمداي قالعاندا بالدىزدارىم شاحتەرلەر بەرىك پەن قۋانىش قارسى شىقتى. ءتۇس اۋا لاتىنشا جازىلعان بەستوبەنىڭ ستەللاسىنا جەتەدى. ەكىنشى كۇنى تۋعان ەلىنە سالەم بەرۋ ءۇشىن اۋىلدى ارالايدى. ءوزى وقىپ بىتىرگەن №2 ورتا مەكتەپتە بولىپ, ۇستازدارمەن كەزدەسۋ وتكىزەدى. بەستوبەدەگى قازاق ورتا مەكتەبىنە باس سۇعادى. ودان كەيىن اۋىل اكىمى سىرىم ءۋاليۇلى قاباي قارسى الىپ, ىقىلاستى لەبىزىن ءبىلدىردى. وسىلاي كەيىپكەرىمىز تۋعان ەلىنىڭ 90 جىلدىعىنا ارنالعان ۆەلوساياحاتتى اياقتاپ, امان-ەسەن وتباسىنا ورالادى.
ەركىن داۋەشۇلى,
ەلوردا قالالىق ارداگەرلەر كەڭەسىنىڭ مەدياتوبىنىڭ مۇشەسى
