قازاقستان پرەمەر-ليگاسىنىڭ 14-تۋرىندا «استانا» فۋتبول كلۋبى ءوز الاڭىندا پاۆلوداردىڭ «ەرتىسىن» قابىلدادى. بۇل – جاقىندا ەلوردالىق كوماندانىڭ باس جاتتىقتىرۋشىسى بولىپ تاعايىندالعان رومان گريگورچۋكتىڭ جەتەكشىلىگىمەن وتكەن العاشقى ماتچ.
بۇل ويىندا شاڭىراقتىڭ ەگەسى قوناقتاردى ۇپايسىز قايتاردى. جالپى ەسەبى ءۇش گول ايىرماش ىلىعىمەن جەڭگەن «استانادا» بۇدان دا كوپ گول سالاتىنداي مۇمكىندىك بولدى. ءبىرىنشى تايمدا رومان مۇرتازاەۆتىڭ سوققان ءبىر گولى سانالمادى. بىراق رومان 40-مينۋتتا ءبارىبىر دەگەنىنە جەتتى.
ەكىنشى تايمدا ەسەپتى دجوردجە دەسپوتوۆيچ ەسەلەسە, ارادا 7 مينۋت وتكەندە, مۇرتازاەۆ دۋبل جاسادى. دەسپوتوۆيچ تاعى ءبىر گول سوعىپ ەدى, ونىسى وفسايد دەپ ەسەپكە الىنبادى.
ورىنبەك وتەمۇرات
