«جانىم» ءسۇتى – جاڭا برەند
بىرەر كۇندە ەلوردا دۇكەندەرىنىڭ سورەلەرىنە «جانىم» دەگەن جانعا جاقىن اتاۋدى يەلەنگەن ءسۇت ساتىلىمعا تۇسە باستايدى.
ناقتىلاي ايتساق, «قازاگرو» حولدينگىنىڭ قولداۋىمەن «استانا-بوتتلەرس» ءسۇت پەن شىرىن دايىنداۋ جانە قۇيۋ بويىنشا تەحنولوگيالىق جەلىسى ءوز جۇمىسىن قايتا جانداندىردى. زاۋىت 2007 جىلى اشىلىپ, قارجىنىڭ قاتتىعىنا بايلانىستى تۇرالاپ قالعان بولاتىن. استانا ماڭىنداعى ازىق-تۇلىك بەلدەۋىن قالىپتاستىرۋ باعىتىنداعى ماڭىزدى جوبانى جولعا سالۋ ەندى مۇمكىن بولىپ وتىر.
«قازاگرو» ۇبح باسشىسى دۋلات ايتجانوۆتىڭ ايتۋىنشا, زاۋىت تابيعي تازا ءسۇت پەن قۇرعاق ءسۇتتى وڭدەيتىن گەرمانيالىق, اۆستريالىق, يتاليالىق تەنحولوگيامەن جابدىقتالعان. باستاپقى كەزەڭدە ءونىمدى قۇرعاق سۇتتەن وڭدىرەدى, الايدا كوپ ۇزاماي حولدينگتىڭ كومەگىمەن 500 باس ءىرى قارا مالعا ارنالعان تاۋارلى-ءسۇت فەرماسى قۇرىلادى.
زاۋىتتىڭ قۋاتتىلىعى – تاۋلىگىنە 100 توننا. بۇگىنگى شىعارىلىپ جاتقان ءونىم ەلوردانىڭ ساۋدا جەلىلەرىمەن قاتار, اتىراۋ, ماڭعىستاۋ وڭىرلەرىنە جونەلتىلمەك. مۇنىمەن قوسا, زاۋىتتا الداعى ۋاقىتتا «بالاپان» ساۋدا ماركاسىمەن شىرىن جانە شىرىندى بالالار تاعامىن ءوندىرۋ جوسپارلانىپ وتىر.