بۇگىن ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءدىن سالاسىنداعى مەملەكەتتىك ساياساتتى تالقىلاۋ جانە ءتۇسىندىرۋ بويىنشا ستۋدەنت جاستارمەن كەزدەسۋ ءوتتى. جيىنعا ءدىن ىستەرى جانە ازاماتتىق قوعام ۆيتسە-ءمينيسترى ب.ارىن, قازاقستان مۇسىلماندارى ءدىني باسقارماسىنىڭ توراعاسى س. وراز, پراۆوسلاۆتىق شىركەۋدىڭ ميتروپوليتتىك وكرۋگىنىڭ ءىسىن باسقارۋشى قاسكەلەڭدىك ەپيسكوپ گەننادي جانە ۋنيۆەرسيتەتتىڭ پرورەكتورى ديحان قامزابەكۇلى قاتىستى.
ەڭ الدىمەن ءسوز العان ۆيتسە-مينيستر بەرىك ارىن ءوز سوزىندە پرەزيدەنتتىڭ «بەس الەۋمەتتىك باستاماسى» تىكەلەي جاستارعا باعىتتالعاندىعىنا ناقتىلاي توقتالدى.
«بۇل باستاما پرەزيدەنتىمىزدىڭ سەرپىندى ۇسىنىسى, جاس وتباسىلارعا تۇرعىن ءۇي الۋعا, جاستاردىڭ جالاقىسىن كوتەرۋگە, ساپالى جانە قولجەتىمدى ءبىلىم بەرۋگە, كاسىپكەرلىكتى دامىتۋعا مۇمكىندىك بەرەدى. ەلباسىنىڭ بەس الەۋمەتتىك باستامالارى ەلىمىزدىڭ وركەندەۋى مەن حالقىمىزدىڭ ءال-اۋقاتىن جاقسارتۋعا باعىتتالعان. ال, بۇنىڭ بارلىعى تۇراقتىلىق ورناعان مەملەكەتتە عانا جۇزەگە اسپاق. ەل دامۋىنىڭ نەگىزى – مەملەكەت تۇراقتىلىعى. كەز-كەلگەن ەلدىڭ تۇراقتى دامۋىنىڭ باستى كەپىلدىگى ونىڭ بەيبىت جاعدايدا تىرشىلىك ەتۋى ەكەنى بەلگىلى. ياعني, قاۋىپسىزدىگىن قامتاماسىز ەتە الاتىن مەملەكەتتەر عانا قارقىندى دامۋ جولىنا ىلىگە الادى» دەپ اتاپ ءوتتى».
وسى رەتتە, قازاقستان مۇسىلماندارى ءدىني باسقارماسىنىڭ توراعاسى سەرىكباي وراز مەملەكەت باسشىسىنا وسى الەۋمەتتىك رەفورمالاردى جۇزەگە اسىرۋعا ولاردى جاس ۇرپاق ءۇشىن ءۇمىت كوزى رەتىندە باستاما كوتەرگەنىنە قۇرمەت ءبىلدىردى.
باس ءمۇفتي: «بىردە پايعامبارىمىزدان ءبىر كىسى: «ۋا, اللانىڭ ەلشىسى, ەڭ جاقسى ادام كىم؟» – دەپ سۇرايدى. سوندا ول: «ەڭ جاقسى ادام – قوعامعا, ەلگە پايداسى تيگەن پەندە», – دەپ جاۋاپ بەرگەن. دەمەك, قازىر ءبىزدىڭ قوعامعا ءوز ءىسىنىڭ مايتالمان مامانى بولا بىلگەن يماندى, جاناشىر, ءداستۇرلى قۇندىلىقتاردى قۇرمەتتەيتىن پاراساتتى مۇسىلماندار قاجەت. ءبىلىم مەن كوركەم مىنەزدى, ار مەن ۇياتتى ءوز بويىنا ۇيالاتقان ۇرپاق ەلدىڭ كوسەگەسىن كوگەرتەدى» دەيدى ول. سونىمەن قاتار, پراۆوسلاۆتىق شىركەۋدىڭ ميتروپوليتتىك وكرۋگىنىڭ ءىسىن باسقارۋشى قاسكەلەڭدىك ەپيسكوپ ءوز سوزىندە پرەزيدەنتتىڭ جاريالاعان ۇندەۋى ەڭ الدىمەن قازاق حالقىنىڭ الەۋمەتتىك ءال-اۋقاتىن نىعايتۋعا جانە ءبىزدىڭ مەملەكەتىمىزدە ءومىر ءسۇرۋ ءۇشىن قولايلى جاعداي جاساۋعا «بەس الەۋمەتتىك باستاما» نەگىزگى مەملەكەتتىك دەڭگەيگە كوتەرۋگە الەۋمەتتىك بلوكتىڭ مىندەتتەرىن شەشۋگە باعىتتالعانىن اتاپ ءوتتى. الەۋمەتتىك باستامالاردى تالقىلاۋ بارىسىندا ستۋدەنتتەر تاراپىنان كوپتەگەن سۇراقتار قويىلىپ, ولاردىڭ بارلىعىنا قىزىقتى دا شىنايى جاۋاپتار بەرىلدى. قويىلعان سۇراقتار قاتارىندا ءدىن وكىلدەرنىڭ نەسيە الۋعا دەگەن كوزقاراسى, قازاقستانداعى تەولوگيالىق ءبىلىم الۋ جانە تاعى باسقا ماسەلەلەر قاراستىرىلدى.
«استانا اقپارات»
