قازىرگى ۋاقىتتا زەينەت جاسىنا جەتكەن ادامدارعا ەڭبەك ءوتىلى مەن تابىسىنا قاراماستان بازالىق زەينەتاقى بارلىعىنا بىردەي تولەنەتىنى بەلگىلى. ال بيىل 1 شىلدەدەن باستاپ بازالىق زەينەتاقىنى تاعايىنداۋ مەحانيزمى وزگەرەدى.
جاڭا مەحانيزم – ازاماتتاردىڭ 1998 جىلعى 01 قاڭتارعا دەيىن جيناعان ەڭبەك ءوتىلى جانە ولاردىڭ 1998 جىلدان كەيىن جيناقتاۋشى زەينەتاقى جۇيەسىنە قاتىسۋ كەزەڭىنە بايلانىستى بازالىق زەينەتاقىنى تاعايىنداۋدى كوزدەپ وتىر.
سونداي-اق, قاتىسۋ وتىلىنە وزگە دە الەۋمەتتىك ماڭىزى بار كەزەڭدەر: بالا ءۇش جاسقانعا تولعانعا دەيىن ونىڭ كۇتىمى, 16 جاسقا دەيىن مۇگەدەك بالانى كۇتىمى, ديپلوماتتاردىڭ جۇبايلارىنىڭ شەتەلدە تۇرۋ, اسكەري قىزمەتشىلەردىڭ جانە الەۋەتتى قۇرىلىم قىزمەتكەرلەرىنىڭ جۇبايلارىنىڭ جۇمىسقا تۇرۋ مۇمكىندىگى جوق جەرلەردە تۇرعان كەزەڭدەرى قوسىلادى, الايدا, جالپى العاندا ول كەزەڭ 10 جىلدان ارتىق بولماۋى ءتيىس جانە ت.ب.
سونىمەن قاتار, بازالىق زەينەتاقى تولەمىنىڭ مولشەرى زەينەتاقى جۇيەسىندە 10 جانە ودان دا از جىل قاتىسقان كەزدە نەمەسە ول بولماعان كەزدە ەڭ تومەنگى كۇنكورىس دەڭگەيىنەن 54 %-عا تەڭ بولادى, ال 10 جىلدان استام ءاربىر جىلعا ونىڭ مولشەرى 2 %-عا ارتتىرىلادى جانە 33 جىل جانە ودان دا كوپ ەڭبەك وتىلىمەن, ونىڭ مولشەرى ەڭ تومەن كۇنكورىس دەڭگەيىنىڭ مولشەرىنە تەڭ بولادى.
وسىنداي ءتاسىل الەۋمەتتىك ادىلدىكتى ورناتادى – ادام نەعۇرلىم كوپ جۇمىس ىستەسە, ونىڭ زەينەتاقىسى جوعارى بولادى. بۇل بارلىق زەينەتكەرلەگە, ياعني قازىرگى تاڭداعى جانە بولاشاقتا زەينەتكەر بولاتىن ازاماتتارعا دا قاتىسى بار.
جاڭىل اۋكەروۆا,
استانا قالاسى
«الەۋمەتتىك تولەمدەردى
ۆەدومستۆوارالىق
ەسەپتەۋ ورتالىعى» دەپارتامەنتى
الماتى اۋداندىق بولىمشەسىنىڭ مەڭگەرۋشىسى
