استانا كۇنىندە كونتسەرت قوياتىن «استانا سامالى» ۇرمەلى وركەستردىڭ شەرۋىنە بايلانىستى 6 شىلدە كۇنى رەسپۋبليكا داڭعىلىنىڭ اسكەري-تاريحي مۋزەيىنەن باستاپ جاستار سارايىنا دەيىنگى بولىگىندە كولىك قوزعالىسى شەكتەلەدى.
وسى اۋماقتا كولىك قوزعالىسى تۋرا استانا كۇنى ساعات 10.30-دان 12.30-عا دەيىن جابىق بولادى. سوندىقتان جول ينسپەكتورلارى جۇرگىزۋشىلەرگە بەيبىتشىلىك پەن ءۋاليحانوۆ كوشەسى جانە سارىارقا داڭعىلىمەن اينالىپ جۇرۋگە كەڭەس بەرەدى.
استانا قالاسى ىشكى ىستەر دەپارتامەنتىنىڭ پوليتسيالارى مەرەكە كۇندەرى كوشەدە اسا ساق بولىپ, جۇرەتىن جولدارىن الدىن الا جوسپارلاپ الۋعا شاقىرادى. نەگىزى, جەكەمەنشىك اۆتوكولىكتەن گورى جولاۋشىلار كولىگىمەن جۇرگەن دۇرىس دەيدى ولار.
ەلوردالىق ءىىد جەرگىلىكتى پوليتسيا قىزمەتىنىڭ ينسپەكتورى ءلاززات بيسەمباەۆانىڭ ايتۋىنشا, 5-7 شىلدە ارالىعىندا قوعامدىق ورىندارداعى بۇزاقىلىقتار مەن ءتارتىپ بۇزۋشىلىقتىڭ الدىن الۋ, جولىن كەسۋ ماقساتىندا ءتيىستى قىزمەت وكىلدەرى كۇشەيتىلگەن رەجيمدە جۇمىس ىستەمەك.
