كەشەگى وتكەن جالپىۇلتتىق تەلەكوپىر اياسىندا ەلباسى نۇرسۇلتان نازارباەۆ استاناداعى سانيتارلىق-گيگيەنالىق جانە تۇرمىسقا قاجەتتى قاعاز ونىمدەرىن ءوندىرۋ زاۋىتىن ىسكە قوستى. «Ipek Kagit Central Asia» جشس جىلىنا 16400 توننا ءونىم شىعاراتىن بولادى.
كاسىپورىننىڭ ديرەكتورى فاتيح دىرىكتىڭ ايتۋىنشا, مۇندا 53 ادام جۇمىس ىستەيدى ەكەن. زاۋىتتا شىعارىلعان ونىمدەر وتاندىق سۇرانىستى عانا وتەپ قويماي, الىس-جاقىن شەتەلدەرگە دە ەكسپورتتالماق. سونىڭ ىشىندە رەسەيدىڭ, ورتالىق ازياداعى ەلدەردىڭ نارىعىن جاۋلاۋدى كوزدەپ وتىر. قاعاز ونىمدەرىن شىعاراتىن زاماناۋي زاۋىتقا جوعارى تەحنولوگيالى قوندىرعىلار ورناتىلعان. وسىنداي باسىمدىقتارى ناتيجەسىندە ءوندىرىس ورنى ورتالىق ازيادا كوشباسشىلىق ورنىن ساقتايتىنىنا سەنىمدى. ويتكەنى, بۇعان بالاما كاسىپورىن اتالعان ايماقتا جوق. تەلەكوپىر بارىسىندا كاسىپورىن باسشىلارى ەلباسىنا ەلدە بيزنەسكە قولايلى جاعداي جاساعانى ءۇشىن جانە شەتەلدىك ينۆەستورلارعا قولداۋ كورسەتكەنىنە العىس ءبىلدىردى.
زاۋىت تولىق قۋاتىنا كوشكەندە جىلىنا جالپى قۇنى 11 ملرد تەڭگەگە جەتەتىن ءونىم وندىرىلەتىن بولادى. نارىققا قاجەتتى كاسىپورىن ەلوردا بيۋدجەتىنە دە قوماقتى قارجى قۇيارى ءسوزسىز.
