جولاقتاعى جىلدامدىق شەكتەلەدى
ەلوردا جولدارىنداعى اپاتتى ازايتۋ ءۇشىن قوعامدىق كولىكتەردىڭ قوزعالىسىنا ارنالعان Bus Lane كەيبىر جولدارىندا جىلدامدىق ساعاتىنا 40 شاقىرىمعا دەيىن شەكتەلەدى. بۇل تۋرالى elorda.info سايتى قالالىق ءىىد ءباسپاسوز قىزمەتىنە سىلتەمە جاساپ حابارلادى.
«قالا كوشەلەرىندە قوعامدىق كولىكتەردىڭ قوزعالىسىنا ارنالىپ بەلگىلەنگەن جولاقتاردا اۆتوبۋستار مەن جەڭىل كولىكتەردىڭ قاتىسۋىمەن تيەسىلى جولعا بۇرىلۋ ماقساتىندا جاسالعان مانەۆر سالدارىنان بولاتىن اپات جيىلەپ كەتتى. استانا قالاسىنىڭ ءىىد اكىمشىلىك پوليتسيا باسقارماسىمەن اپاتتى ازايتۋ ءۇشىن قوعامدىق كولىك قوزعالىسىنا ارنالعان جولداردا جىلدامدىق ساعاتىنا 40 شاقىرىمعا دەيىن شەكتەتىلەتىن بىرنەشە اۋماق بەلگىلەندى» دەلىنگەن ۆەدومستۆونىڭ ءباسپاسوز قىزمەتى تاراتقان حابارلامادا.
وسىعان وراي, جول قوزعالىسىنىڭ بارلىق قاتىسۋشىلارىنا اسا مۇقيات بولۋ قاجەت. قوعامدىق كولىك قوزعالىسىنا ارنالعان جولداردىڭ توبەسىندە 3.24 (ماكسيمالدى جىلدامدىقتى شەكتەۋ) جانە 7.14 (قوزعالىس جولاعى) كەشەندى جول بەلگىلەرى پايدا بولادى. العاشقى مۇنداي بەلگى تۇران داڭعىلىنا ورناتىلدى.
استانا قالاسىنىڭ ءىىد اتاپ وتكەندەي, قازىرگى ۋاقىتتا جولداعى جۇكتەمەنىڭ قابىلەتىن جاقسارتۋ ءۇشىن قوزعالىس جىلدامدىعىن كۇشەيتۋ ءمۇمكىندىگى بار جولداردىڭ قاشىقتىعى زەرتتەلىپ جاتىر.