Астана қаласы мемлекеттік архивінде Кеңес әскерінің ауған жерінен шығарылғанына 35 жыл толуына орай Ауған соғысының ардагерлерімен дөңгелек үстел мәжілісі өткізілді.
Кездесуге М.Нәрікбаев атындағы Қазақ гуманитарлық заң университеті әскери кафедрасының аға оқытушысы, отставкадағы полковник Бауыржан Досжанов, КМG-security қызметкері Сембек Қабиев, «Қазақстан Республикасы Ауғанстан соғысының ардагерлері мен мүгедектері» заңды тұлғалар бірлестігінің заңгері Сәкен Нұрышев қатысып, естелікке толы әңгімелерімен бөлісті. Астана қаласы әкімдігінің №73 мектеп-лицей мұғалімі Әлихан Сағитов жас ұрпақты тәрбиелеу барысында атқарылып жатқан жұмыстармен таныстырды. Астана халықаралық университеті тарих және археология мамандығының 4-курс студенттері ардагерлерге сұрақ қойып, жауап алды. Қалалық архивке интернационалист-жауынгер, «Астана ақшамы» газеті бас редакторының орынбасары Ғалым Қожабековтің «Қанды көйлек қарулас» кітабы тапсырылды.
