Айдын ҚАПАСОВ, елорда тұрғыны:
– Соңғы уақытта «суды үнемдеп пайдалану керек» деп жиі айтылып жүр. Қалада су тапшылығы болуы мүмкін бе?
Бұған «Астана су арнасы» МКК зертхана бастығы Уәсила Әуезова жауап берді.
– Есіл өзенінің жоғарғы жағынан келетін су мен «Астана» су қоймасының және жаңбырдың, қардың суы қосылып, «Астана су арнасының» су қоймасы толықтырылып отырады. Тек 2013 жылы ғана Астанада судың тапшылығы болғаны рас. Одан бері жаңбыр да, қар да көп жауды. Бүгінде су жеткілікті. 450 миллион текше метрді құрайтын кәсіпорынның су қоймасы қазіргі уақытта толып тұр. Сондықтан әзірге су тапшылығы болмайды. Бірақ, әрине, суды ысырап қылмай, үнемдеп пайдаланған жөн.
