Ел тынысы
Астаналық спортшы әлем чемпионатының қола жүлдегері атанды
Түркістанда есту қабілеті зақымданған спортшылар арасында дзюдо күресінен өткен әлем чемпионатында Астана қаласының спортшысы Сабыржан Хапизов (+100 кг) жеңіс тұғырынан көрінді, деп хабарлайды astana-akshamy.kz
Әлем чемпионатында Сабыржан Хапизов жарыстың екінші күнінде ел қоржынына үшінші қола жүлдені салды.
Елімізде тұңғыш рет өткізіліп отырған байрақты бәсекеге әлемнің 24 елінен 200-ден астам спортшы бақ сынады. Қазақстан тарапынан 24 спортшы өнер көрсетті.
Осылайша, Қазақстан сурдо дзюдо құрамасы әлем чемионатының жекелей жарысын 3 алтын, 6 күміс және 4 қола жүлдемен жалпыкомандалық кестесінде ІІ орынмен аяқтады. Ал командалық чемпионатта ерлер құрамасы алтыннан алқа тақса, әйелдер құрамасы қола жүлдені еншіледі.