Астанада жекеменшік балабақшаларға топтау жүргізіле бастады
Қаладағы жаңадан ашылған, сондай-ақ, бұрыннан қолданыстағы мемлекеттік білім беру тапсырысы бар балабақшаларға бұған дейін кезекте тұрған 3-6 жас аралығындағы сәбилерге жолдама берілетін болады.
Топтарға жинақтау жұмыстары 12 қазанға дейін жүргізіледі. Жолдама алу үшін Қарталы көшесінде орналасқан №61 орта мектепке сағат 10.00-ден 17.00-ге дейін жүргізіледі.
Жолдама алу үшін Астана тұрғындарында ағымдағы кезек нөмірі болуы тиіс (оны ЖСН, баланың ТАӘ және туған күні бойынша http://egov.kz/ порталы арқылы білуге болады). Жекеменшік балабақшаға жолдама алғанда, мемлекеттік балабақшаға кезек сақталады.
Жекеменшік балабақшада ата-аналардың төлемақысы 20 800 теңгені құрайды. Сондай-ақ, жекеменшік балабақшаны тұрғылықты мекенжайға сәйкес мемлекеттік тапсырыс бойынша жекеменшік балабақшалардың тізімінен таңдап, оған жолдама алуға мүмкіндік беріледі.
