Елордада жүгіру маусымы ашылды. Мерекелік іс-шараны Астана қаласы әкімдігінің қолдауымен қалалық триатлон федерациясы ұйымдастырды.
Триатлон парктің жүгіру жолында ұйымдастырылған Astana Run жарысына 350-ден аса астаналық қатысты. Жарыс алдында ұжымдық жаттығулар өткізілді. Ал жарыс жолына 16 жастан 60 жасқа дейінгі және одан жоғары жастағы әуесқой спортшылар шықты. Жарысқа қатысушыларға тәттілер, сусын, ыстық шай ұсынылды. Ал ең бастысы, әрине, жарыс жолындағы жүгіру болды. Маусымашар жарысқа келушілер 5 шақырымға жүгірді.
Astana Run жарысына қатысқан барлық жас санаттарындағы ерлер мен әйелдер арасында үздік нәтижелер бойынша жеңімпаздар мен жүлдегерлер анықталды. Олар медальдармен, дипломдармен және ақшалай сертификаттармен марапатталды.
