Memleket basşysy Qasym-Jomart Toqaevtyŋ aldaǧy Prezident jäne Parlament sailaulary ötetını turaly öz Joldauynda jariia etkennen keiın qoǧamda osy saiasi oqiǧalar qyzu talqylauǧa tüsıp jatyr.
Halyq būl saiasi şaralar «Jaŋa Qazaqstannyŋ» aiqyndalǧan baǧyt-baǧdaryna tyŋ serpın beretınıne senım artyp otyr.
Men de osy elımnıŋ azamaty retınde balalarymnyŋ keleşegı üşın öz taŋdauymdy jasaitynym sözsız. Būl saiasi nauqanǧa jeŋıl-jelpı qarauǧa bolmaidy, öitkenı memlekettıŋ keleşegı barşa qazaqstandyqtardyŋ taŋdauyna bailanysty bolatyny anyq. Sondyqtan konstitusiialyq reformanyŋ ıske asuynyŋ arqasynda sailau nauqany da barlyq zaŋ talaptaryn saqtai otyryp jürgızıletınıne senımmen qaraimyn.
Soŋǧy jyldardaǧy özgerıster men konstitusiialyq reforma memlekettıŋ saiasi qūrylymynyŋ jaŋa ülgısın qalyptastyryp otyr. Öz basym eldegı saiasi jüienı özgertudıŋ män-maŋyzyn jaqsy tüsınemın.
Prezidenttıŋ halyqqa Joldauynda aitylǧan Ūlttyq qordyŋ jyl saiynǧy investisiialyq tabysynyŋ 50 paiyzyn balalardyŋ arnauly jinaqtauşy esepşotyna audarudy ūsynuy el arasynda qyzu qoldau tapqany sözsız. Olai deitınım, ärbır balanyŋ şotyna tüsken qarajat, eldıgımızdıŋ bolaşaǧyna salynyp jatqan qūndy kapital, öskeleŋ ūrpaqtyŋ ülken ömırge qadam basuyna mümkındık beretın igılık dep bılemın. Sondai-aq aldaǧy jyly 100 myŋ jasty jūmysqa ornalastyru, jastardyŋ käsıpkerlık bastamalaryna qoldau körsetudı jalǧastyru da äleumettık özektı mäsele sanalady. Osynyŋ bärı ainalyp kelgende, saiasi reformalardyŋ jüzege asyryluymen astasyp jatyr.
Bıle bılsek, Memleket basşysy bükıl saiasi jüienı özgertudı özınen bastap otyr. Iаǧni, memlekettık qūrylymdaǧy reformalar jaŋa erejeler boiynşa jürgızıledı.
Tüptep aitqanda, būl sailau – elımızde jürgızılıp jatqan saiasi reformalardy ıs jüzınde jüzege asyru bastamasy bolyp tabylady. Sondyqtan da otandastarymdy Prezident sailauyna belsendı qatysuǧa şaqyramyn. Elımızdıŋ keleşegı özımızdıŋ qolymyzda ekenın tereŋ tüsınuge tiıspız dep aitqym keledı.
Sembek QABİEV,
Astana qalasynyŋ «Auǧanstan soǧysy mügedekterı men ardagerlerı odaǧy» qoǧamdyq bırlestıgı basqarmasynyŋ müşesı
