Astanada jyl saiynǧy jol jöndeu jūmystary bastaldy. Mūny Astana qalasy äkımdıgı ökılı men Kölık jäne jol-kölık infraqūrylymyn damytu basqarmasy mamandary resmi mälımdedı.
Qazmedia ortalyǧynan bastalǧan baspasöz tury aiasynda jurnalisterge jöndeu jürgızıluı tiıs köşeler körsetıldı. Tılşıler Belasar köpırıne baryp, jūmys barysymen tanysty. Asfalt joldardaǧy şūŋqyrlar bekıtılıp, oidym jerler tüzetılmek. Avtomobil joldaryn ortaşa jöndeu jūmystary qaladaǧy 65 köşenı qamtidy dep josparlanuda.
«Jöndeu jūmysy 15 ırı köşenı, bırneşe köpır men uchaskede bolady. Atap aitqanda, Mäŋgılık el jol bölıgınde «Maral» köpırınen Kerei-Jänıbek handar köşesı tüzeledı. Tūran daŋǧyly uchaskesınde Qorǧaljyn tasjolynan Qabanbai batyr boiy jöndeledı. Momyşūly daŋǧylynan Mūŋaitpasov köşesı aralyǧy, A.Puşkin köşesınen Ǧ.Mūstafinge deiın marşruttyq ädıspen jöndeu jüredı. Jūmystardyŋ basym bölıgı 1 şıldege deiın aiaqtaluy tiıs. Aua raiynyŋ qolaisyzdyǧyna orai, jūmys keş bastaldy» deidı Joldardy salu jäne jöndeu bölımınıŋ basşysy Asqar İsaqov.
Qaladaǧy №18, 12, 28 baǧyttaǧy avtobus jürgızuşılerı joldyŋ jöndelıp jatqanyna quanyşty. «Avtobus parkı bızdı är baǧytqa auystyryp otyratyndyqtan, köşelerdıŋ şūŋqyr-şūŋqyryn bılemın. Jöndeu jūmystaryna orai, keibır daŋǧyldardy ainalyp ötuge tura kelıp jür. Jolauşylar osyndaida narazylyq tanytady. Endı osy jöndeu jūmystarynyŋ igılıgın köremız» deidı baǧdar jürgızuşısı.
Mūnan keiın qalada salynatyn velojoldardyŋ jobasymen tanystyq. Qalalyq äkımdıktıŋ baspasöz ökılı Serık Ädılbaev velojoldardyŋ qala tūrǧyndary üşın maŋyzdy ekenın aitady. «Qazır qala syrtyndaǧy jasyl baqta velosiped tebetınder Astananyŋ ışınde jürse, qandai jaqsy. Būl tūrǧyda qyruar qarjy bölınu josparlanǧanyn aita ketken jön» deidı ol.
Al Astana qalasynyŋ Qorşaǧan ortany qorǧau jäne tabiǧatty paidalanu basqarmasy Tabiǧatty qorǧau jobalaryn basqarudy perspektivalyq josparlau bölımınıŋ basşysy Azamat Janataevtyŋ aituynşa, 2017 jyldyŋ 15 jeltoqsanynda velosipedtı kölıktık infraqūrylym jobalyq-smetalyq qūjattary jasalynypty. Sonyŋ negızınde, sol jaǧalaudaǧy Ortalyq saiabaqtan Esıl özenınıŋ jaǧalauyna, Qonaev köşesınen Dostyq, Mäŋgılık el daŋǧylyna, Rysqūlov pen Qabanbai batyr daŋǧylyndaǧy ainalma joldary boiyna velojol tüsedı.
Sondai-aq, mamannyŋ sözınşe, Oŋtüstık Qazaqstan, Pavlodar, Jambyl, Aqmola oblysy aimaqtarynda velojoldar salynbaq.
Qarlyǧa İBRAGİMOVA
