Tazalyq tabaldyryqtan bastalady
Juyrdaǧy Astana qalasyn odan äri damytu boiynşa ötken maŋyzdy jiynda Elbasy erekşe bir mäselege toqtaldy. Onda «Qalada ūsaq-tüiek qylmys bolmauy kerek. Köşege saǧyz laqtyrylsa da, jazalanuǧa tiis. Alǧaşynda eskertu jasalyp, ol adamǧa qatysty mälimetter bazasy jasaqtalu kerek. Būl tärtipsizdik ekinşi märte qaitalansa, äkimşilik jauapqa tartylyp, aiyppūl tölensin. Tipti bolmasa, üş künge qamauǧa alynsyn! Osy jaǧdaida ǧana tärtip bolady. Ülken qylmystarǧa jol berilmeidi», – dedi.
Iаǧni, qala tazalyǧyn qataŋ tärtippen jolǧa qoiuǧa kiristik. Ärine, būǧan qarsy pikir aitatyndar da bolar, biraq däl osylai şara qoldanu arqyly biz tazalyqty ǧana emes, sanamyzdy da adami tūrǧydan tärtipke baǧyttaimyz.
Mysaly, japon elinde «Seniŋ jeriŋ – seniŋ ūrpaǧyŋnyŋ mäŋgilik mekeni!» degen ūǧym qalyptasqan. Sonyŋ nätijesinde balabaqşadaǧy büldirşinniŋ özi bir japyraq qaǧazdy köşege tastamaidy. Olar keler ūrpaqqa taza, jasyl meken qaldyramyz degen ūrandy ūstanady. Al biz şe? Aişyqty Astana tazalyǧyna qanşalyqty män berip jürmiz? Osy mäsele töŋireginde oi bölisip körgen edik.
Elordamyz tazalyq jaǧynan ūiatty emes. Astana kün saiyn köz sürindiretin körkimen aişyqtalyp keledi. Sondyqtan tazalyq tabaldyryqtan bastaluy kerek. Ülken köşelerimiz mūntazdai tap-taza, al är üidiŋ maŋyndaǧy körinis tazalyq jaǧdaiyn äli de bolsa jaqsartudy talap etedi. Tazalyqty saqtau – qala äkimdigine ǧana jükteletin is emes, būǧan ärqaisysymyz män beruge tiispiz. Tipti, jüris-tūrysynyŋ özi, kiimderiniŋ özi minsiz bolu kerek. Būl el erteŋi üşin maŋyzdy. Sondyqtan biz qalany tazalaǧannan būryn, halyqtyŋ sanasyn tazalyq mäselesine būruymyz kerek. Olardy öz ortasyn qorǧauǧa, aialauǧa üiretsek. Ainalaŋ tap-taza bolsa, sol jerge degen sende ystyq yqylas, janaşyrlyq bolady. Tärbie bar jerde ǧana tazalyq bolady. Kez kelgen qalanyŋ tazalyq körsetkişi sol qala tūrǧyndarynyŋ mädeni deŋgeiinen körinedi.
Gülnar JETPISOVA,
Salauatty ömir saltyn qalyptastyru ortalyǧynyŋ mamany:
Japondardyŋ Koriema qalasynda Fukuiama degen ortalyq bar. Mūnda qala qoqysyn zalalsyzdandyru men qaita öŋdeu jaqsy jolǧa qoiylǧan. Al bizde būl mäsele özekti. Sondyqtan äzirşe tazalyq mäselesine tūrǧyndar öz taraptarynan qoldau körsetse.
Qazir qar astynan şyqqan qoqys köp. Mūndaiǧa keibireulerdiŋ eti üirenip ketken. Sondyqtan, är adam öz üiiniŋ aulasyndaǧy tazalyqqa jauapty ekenin sezine bermeidi. Avtokölikterden de qoqys laqtyryp jatatyndardy kezdestiremiz. Būlardy jügendeu üşin zaŋ jüzinde qataŋ talap kerek siiaqty. Al osynyŋ bärine igi bastama bolatyn jalpyqalalyq senbiliktiŋ maŋyzy zor. Säuir aiynan bastalǧan ailyqqa bükil ūjym bolyp atsalyssaq, Astananyŋ tazalyǧyna bir kisidei jūmylsaq jaqsy bolar edi.
Säken ELUBAEV,
student:
Tūryp jatqan qalamyzdyŋ ädemi de körikti jäne taza bolǧanyn qalamaityn jan joq. Bir quanarlyǧy, biz būl baǧytta jaqsy ürdis qalyptastyryp kelemiz. Tazalyq jūmystary qazirdiŋ özinen bastalyp ketti. Köşetterdiŋ tübi qopsytylyp, kei jerlerde äkteu jūmystary jürgizilip jatyr.
Köptegen aulalarda tūrǧyndardyŋ özderi gül otyrǧyzyp, tazalyqqa bilek sybana kiriskenin körip quanyp qaldym. Mine, tazalyqty ärkim osylai tabaldyryǧynan bastap senbilikke nemqūrailylyq tanytpasa deimin. Jalpy, meniŋşe, tazalyq är adamnyŋ öz boiynan bastalǧany abzal.
Saualdamany jürgizgen
Erkejan KÖPTILEUQYZY