Biyl qazaqtyŋ äigili änşisi, qazaq opera öneriniŋ negizin saluşylardyŋ biri, qoǧam qairatkeri, KSRO halyq ärtisi, KSRO Memlekettik syilyǧynyŋ laureaty Küläş Baiseiitovanyŋ tuǧanyna – 100 jyl. Mereili şaraǧa orai, Ūlttyq mūraǧatta ǧasyr būlbūlyna arnalǧan körme ötude. Onda körme iesiniŋ büginge deiin eş jerde qoiylmaǧan qūjattary, jädigerleri köpşilikke ūsynyluda. Qūndy dünieler oqyrmandardy da qyzyqtyrar degen oimen QR Ūlttyq mūraǧaty sūranystardy oryndau, körme jäne zaldardyŋ jūmysyn ūiymdastyru böliminiŋ bastyǧy İbraim Babaevpen tildesken edik.
– Negizinen, körmede Küläş apamyzdyŋ qūndy dünieleri qanşalyqty qamtylǧan?
– Qūjattar men jädigerlerdiŋ basym böligin änşiniŋ qyzdary Qarlyǧaş pen Rauşan Baiseiitovalar jetkizip berdi. Bas-aiaǧy myŋǧa juyq qūndy-qūndy dünie jinalǧan. Solardyŋ işinen iriktep, ekşep, 250-in taŋdap aldyq. Arasynda qūpiia saqtaluǧa tiis qūjattar da bar. Körmege qoiylǧandardyŋ köbisi – fotosuretter, äsirese, qoljazbalar. Olar būrynyraqta eşqandai da mūraǧattarǧa tapsyrylmaǧan, birde-bir körmege qoiylmaǧan. Būl tūŋǧyş ret jariialanyp otyr.
– Köpşilikti qyzyqtyratyn, tartatyn qandai jädigerdi atap aitar ediŋiz?..
– Qyzyqty jädigerler köp-aq. Mäselen, Küläş Baiseiitovanyŋ 45 jyldyq qysqa ǧūmyrynda tastamai taǧyp jürgen altyn saqinasy. Onyŋ tarihy da qyzyq. Ūly Abaidyŋ äkesi Qūnanbai qajy Mekkeden kelgen soŋ, şeberlerge tapsyrys berip, altynnan 5 saqina soqtyrypty. Sonyŋ biri äkesi arqyly Küläşqa būiyrady. Äkesi Jasyn Qūnanbaidyŋ bir jaqyny bolsa kerek.
– Körmeniŋ basqa erekşelikterin atap aitasyz ba?
– Erekşelikteri jeterlik. Mäselen, änşi apamyzdyŋ äşekeili būiymdary, bürmeli, qos etek köilekteri, üş bas kiimi… Būlardy ol şeteldik ülken sahnalarda kigen eken. Kiimderindegi altyn jalatylǧan zerli monşaqtary sol qalpyn saqtaǧan, köz tartady.
