– Bügingi köterilgen mäselelerdiŋ men üşin maŋyzy zor. Qalanyŋ tūrǧyny, öner salasynyŋ ökili retinde aitarym, elordanyŋ mädeni kelbeti qalyptasyp keledi. Astananyŋ mädeni äleuetin köteru üşin atqarylǧan is köp. Alda atqarylatyn mindetter de az emes. Qazir qalamyzda köptegen respublikalyq festival, baiqaular ötedi. Biraq, halyqaralyq baiqaular az. Būryn Almatyda «Aziia dauysy» festivali ötetin. Qazir üni öşip qaldy. Nege Astana elorda retinde sondai halyqaralyq baiqau ötkizbeske? «Astana dauysy» dep külli älemge atymyzdy şyǧaruǧa bolady. Sol siiaqty klassikalyq önerge qatysty jobalardy nege qolǧa almasqa? Mysaly, «Altyn sahna» dep jyl saiyn halyqaralyq teatr festivalin ötkizuge qaladaǧy teatrlarymyzdyŋ qauqary jetip tūr. Sondai-aq, biyl opera jäne balet teatrynyŋ jaŋa ǧimaraty paidalanuǧa beriledi. Däl sol teatrda balet festivalin ötkizip, bekzat önerdi däriptesek jaqsy bolar edi. Taǧy bir mäsele – meniŋşe, mädeniet mekemelerindegi qoiylymdarǧa abonement jüiesin engizu qajet. Mysaly, amerikalyqtar «Kornegi hollǧa» belgili bir uaqytqa abonement alady. Iаǧni, ol adam atalmyş saraida qandai konsert, şaralardyŋ ötetinin biledi. Äri oǧan kiretin bileti de daiyn tūrady.
