Astana ekonomikalyq forumy aiasynda qala basşylarynyŋ özara kezdesıp, ortaq maqsatty mäselelerın talqylauǧa mümkındık tuyndady.
Baqyt Sūltanov Mäskeu ükımetınıŋ ministrı – Mäskeu syrtqy ekonomikalyq jäne halyqaralyq qatynastar departamentınıŋ basşysy Sergei Chereminmen kezdestı. Elorda basşysy juyrda Nūr-Sūltan qalasynyŋ 2050 jylǧa deiıngı strategiialyq damuy baǧdarlamasynyŋ tūsaukeserı ötetının mälımdedı. Osyǧan bailanysty S.Cheremin Mäskeudıŋ qalalyq mäselelerdı şeşudegı eŋ tabysty jobalaryn qoldanudy ūsyndy. «Jüielı integrasiialanǧan jūmysty jalǧastyru üşın kün tärtıbın jaŋartudy jäne 2019-2021 jyldarǧa arnalǧan Nūr-Sūltan men Mäskeu arasyndaǧy yntymaqtastyqtyŋ jaŋa baǧdarlamasyn äzırleu maŋyzdy» dedı Baqyt Sūltanov. Būdan basqa, qala äkımı Mäskeu ükımetınen qazan aiynda Qazaqstannyŋ astanasynda ötetın Düniejüzılık turistık ūiymynyŋ VIII ǧalamdyq sammitın ötkızudı qoldauyn sūrady.
Nūr-Sūltan qalasynyŋ äkımı Tallin merı Mihail Kylvartpen de kezdestı.
Elorda basşysy ekı el arasyndaǧy qarym-qatynas özara tüsınıstık jaǧdaiynda damyp kele jatqanyn atap öttı. «Elbasy Nūrsūltan Nazarbaevtyŋ saliqaly saiasatynyŋ arqasynda bız basqa qalalardyŋ jüz jylda jetken belesterın 20 jyl ışınde baǧyndyrdyq. Damu täjıribesı bar, endı bızge sapaly ösu qajet. Osy maqsatta bız ekonomika, turizmdı damytu, ömır süru üşın qolaily jaǧdai jasau tūrǧysynan keşendı jospar äzırlep jatyrmyz» dedı qala äkımı. Kezdesu aiasynda Baqyt Sūltanov özara ıs-qimyldyŋ baǧdarlamalyq qūjatyn jasaudy, ekı elordanyŋ yntymaqtastyǧyn tereŋdetudı ūsyndy. Öz kezegınde Tallin merı Nūr-Sūltan qalasy Qazaqstannyŋ astanasy ǧana emes, sondai-aq tūtas aimaqtyŋ ekonomikalyq, saiasi jäne mädeni ortalyǧyna ainaluy mümkın ekendıgın atap ötıp, ekı astananyŋ arasyndaǧy serıktestıkke basa nazar audarǧysy keletının aitty. Qos tarap aldaǧy uaqytta kölık jäne qalalyq infraqūrylymdy damytu, medisinalyq turizm jäne bılım beru salasyndaǧy yntymaqtastyqty arttyruǧa kelıstı.
Sondai-aq Nūr-Sūltan qalasy äkımınıŋ orynbasary Erlan Qanalimov Qazaqstandaǧy Tailand Koroldıgınıŋ elşısı Rass Djalichandra men Bangkok qalalyq keŋesınıŋ töraǧasy Vallop Suvandimen kezdesu ötkızdı. Kezdesu barysynda ekı el astanasynyŋ yntymaqtastyǧy men turizm ärıptestıgı jaiynda söz boldy.
Biyl Nūr-Sūltan men Bangkok qalalary arasyndaǧy qarym-qatynasqa 15 jyl tolyp otyr. Soǧan orai ekı tarap ökılderı mereilı dataǧa bailanysty bırlesıp ötkızetın ıs-şaralardy talqylady. Būl mädeni şaralar Bangkok qalasynda aldaǧy küz aiynda ötedı dep jobalanyp otyr.
Öz kezegınde Bangkok qalalyq keŋesınıŋ töraǧasy Vallop Suvandi Astana künıne orai 6-8 şılde aralyǧynda elordada tai mädeni baǧdarlamasyn ötkızudı josparlap otyrǧanyn aitty.
Kezdesu soŋynda qala äkımınıŋ orynbasary Bangkok gubernatoryn biylǧy 9-11 qazanda elordada bolatyn Düniejüzılık turistık forumǧa qonaq retınde qatysuǧa şaqyrdy.
Sondai-aq, Nūr-Sūltan qalalyq Qoǧamdyq densaulyq saqtau basqarmasynyŋ basşysy Marat Şoranov Ürımşı qalasynyŋ vise-merı Se Şaodimen kezdesıp, medisinalyq salasyndaǧy ärıptestık turaly äŋgımelestı.
