Belsendı jastar bas qosty
Astana qalasy äkımdıgınıŋ «Astana jastary» jastar resurstyq ortalyǧynyŋ ūiymdastyruymen elordanyŋ belsendı qyz-jıgıtterıne arnalǧan «Jastar jalyny-2022» lagerı ūiymdastyryldy. Üş künge sozylǧan būl ıs-şarany asyǧa kütken student jastar qala maŋyndaǧy «Altyn qyrǧauyl» demalys ornynda jinaldy.
«Astana jastary» KMK basşysy Şyŋǧys Tıleulinnıŋ aituynşa, lager osymen törtınşı jyl qatarynan ūiymdastyrylyp keledı.
– Jastarǧa arnalǧan lager – jyl saiyn ötkızıletın dästürlı ıs-şaranyŋ bırı. Lagerge orta jäne joǧary oqu oryndarynyŋ üzdık degen erıktılerı men belsendılerı jinalyp, osy jerde bas qosyp otyr. Būl jobanyŋ maqsaty – jastardyŋ jan-jaqty damuyna jaǧdai jasap, jastar ortalyǧynyŋ alda bolatyn ıs-şaralaryna jūmyldyru, belsendılıgın arttyru, – dedı Ş.Tıleulin.
Atalmyş lagerge belsendılıgın körsetıp, türlı ıs-şaraǧa qatysyp, qoldau bıldırgen qalanyŋ eŋ üzdık jastary arnaiy ırıkteldı. Qaladaǧy kolledj jäne joǧary oqu oryndarynan ekı studentten taŋdaldy. Barlyǧy 120 student qatysty.
Solardyŋ bırı – menedjment, biznes jäne bılım kolledjınıŋ 3-kurs studentı Jänel Jünıs. Aituynşa, ol ekınşı ret osy ıs-şaraǧa şaqyryldy. Kelesı jyly da qatysatynyna ümıttı.
– «Astana jastarynyŋ» ūiymdastyruymen qalamyzdyŋ belsendı jastary osy lagerde jinaldyq. Lagerdıŋ erekşelıgı – üzdık bılım aluşylardy bır jerde jinap, jaqsy orta qalyptastyratynynda. Üş künge sozylsa da, är qatysuşynyŋ jadynda jaqsy estelıkter, jyly emosiialar qaldyrady dep aita alamyn, – dedı student.
Jinalǧan jastarǧa bılıktı mamandardyŋ oratorlyq şeberlık, käsıp bastaudyŋ qyr-syry, sportpen dūrys ainalysudyŋ erekşelıgı jaiynda arnaiy şeberlık sabaǧy ötkızıldı. Sondai-aq ūjymdyq oiyndar, timbilding jäne Open air keşı ūiymdastyryldy