Astana qalasy Qoǧamdyq damu ısterı basqarmasy «Ruhani jaŋǧyru» baǧdarlamasy aiasynda Astananyŋ 20 jyldyq mereitoiyna arnap ūiymdastyrǧan jas aqyndar müşäirasynyŋ jeŋımpazdary marapattaldy. Saltanatty şaraǧa Parlament Mäjılısınıŋ deputattary, qoǧam qairatkerlerı, belgılı qalamgerler qatysty.
Biylǧy müşäiraǧa «Astana – jastar jüregınde», «Astana – jiyrmadaǧy jas qala» jäne «Erkın taqyryp» taqyryptary boiynşa tört jüzge juyq aqyn öleŋderıŋ tapsyrdy.
«Müşäira jas talanttardy anyqtap, olardyŋ şyǧarmaşylyǧyn qoldau, damytu maqsatynda biyl üşınşı märte ötkızıldı. Bız jyl saiyn būl jobanyŋ deŋgeiın arttyruǧa tyrysamyz. Aqyndar saiysyna Qazaqstannyŋ tükpır-tükpırınen kelgen aqyndar qatysty. Sondyqtan bız ärqaisysynyŋ şyǧarmaşylyǧyn baǧalau üşın 10 jüldegerdı anyqtadyq» dedı Astana qalasy Qoǧamdyq damu ısterı basqarmasynyŋ basşysy Daniiar Esin.
Şyǧys Qazaqstan oblysynan kelgen Däniia Sätbekqyzy müşäira jeŋımpazy bolyp tanyldy. Oǧan 300 myŋ teŋge aqşalai syiaqy berıldı. Ekınşı oryndy enşılegen Orazai Jeŋısūly men Abai Oraz 200 myŋ teŋgenı ielendı. Üşınşı orynnyŋ iegerlerı Aqyljan Naǧaşybai, Medet Bojan jäne Äigerım Kökeevaǧa 100 myŋ teŋge tapsyryldy. «Eŋ üzdık 4 aqyn» atalymynyŋ jeŋımpazdary 50 myŋ teŋgelık sertifikattarǧa ie boldy. «Men üşın tört jüz aqynnyŋ arasynda jeŋımpaz bolu – ülken baqyt. Būl kütpegen jaǧdai boldy. Müşäiraǧa qatysatynym turaly şeşımdı aiaq astynan qabyldadym. Ūstazym, ot auyzdy, oraq tıldı aqyn Aibek Qaliev şaqyryp, osyndai jarys ötetının aitty. Ol kezde ötınım beru merzımınıŋ aiaqtaluyna ekı kün qalǧan bolatyn. Öleŋderımdı ekı künnıŋ ışınde jazdym» dedı baiqaudyŋ jeŋımpazy Däniia Sätbekqyzy.
Müşäirada top jarǧan eŋ üzdık 30 aqynnyŋ öleŋderı kıtap bolyp basylyp şyqty.
