ASTANA
«Qazavtojol Kaztraffic-2018» XV halyqaralyq körmesı ötude. Halyqaralyq şaraǧa elımızden bölek, Resei, Belarus, Germaniia, Fransiia, İtaliia, Şvesiia, Türkiia, Koreia elderınıŋ 100-ge juyq kompaniialary öz önımderın äkelgen. Körmede avtomobil joldarynyŋ qūrylysy men olardy jöndeu, kütıp ūstau baǧytyndaǧy soŋǧy ülgıdegı ǧylymi jäne tehnologiialyq jetıstıkter ūsynyldy.
ALMATY
QR Tūŋǧyş Prezidentı künı qarsaŋynda äl-Farabi atyndaǧy Qazaq ūlttyq universitetınde «Ūly dalanyŋ jetı qyry» atty körme aşyldy. Körmege Elbasynyŋ maqalasyndaǧy tarihi mūramyzdyŋ jetı simvoly, sändık-qoldanbaly öner eskertkışterınıŋ köşırmelerı men elımızdıŋ ejelgı tarihynyŋ türlı kezeŋderındegı arheologiialyq jädıgerler qoiylǧan.
AQTÖBE OBLYSY
Oblys ortalyǧyndaǧy QR Prezidentınıŋ janyndaǧy Memlekettık basqaru akademiiasynyŋ Aqtöbe oblysy boiynşa filialy men Q.Jūbanov atyndaǧy Aqtöbe öŋırlık memlekettık universitetınıŋ ǧimaratynda alǧaş ret «Adaldyq» dep atalǧan satuşysy joq düken aşyldy.
TÜRKISTAN OBLYSY
Oblys aumaǧynda «TURKISTAN INVEST» kompaniiasy jalpy qūny 507 mlrd teŋgenı qūraityn 19 jaŋa ırı jobany tartu boiynşa jūmystar jürgızıle bastady.
SOLTÜSTIK QAZAQSTAN OBLYSY
Aldaǧy jyldan bastap Soltüstık Qazaqstan oblysynda bioetanol öndırıle bastaidy.
ŞYǦYS QAZAQSTAN OBLYSY
Oblys aumaǧynda jüz eldı mekendı abattandyru baǧdarlamasy qolǧa alyndy. Būǧan qajettı qarajat keler jyly aimaqtyq biudjetke kırgızıledı. Är eldı mekenge on million teŋge mölşerınde qarjy jūmsalu közdelgen.
PAVLODAR OBLYSY
Oblys ortalyǧynda ükımettık emes ūiymdar sektorynyŋ ökılderı üşın Azamattyq alians üiı aşyldy.
JAMBYL OBLYSY
Tarazda jastar arasyndaǧy «Bürkıtşı-2018» H chempionaty ötıp, oǧan elımızdıŋ är öŋırınen üzdık bürkıtşıler kelıp qatysqan. Chempionat qorytyndysy boiynşa bürkıtpen bırge aŋ aulau jarysynda Sarmat Äbdulkärımūly jeŋıske jetse, sūŋqarmen aŋǧa şyǧuda Berıkbolsyn Jalǧasūlynyŋ, qarşyǧamen aŋ aulauda Saǧi Mahmūthannyŋ baǧy jandy.
QARAǦANDY OBLYSY
Qaraǧandydaǧy qaita öŋdeu zauyty aiyna 4 myŋ eskı kölıktı kädege jaratyp, ekologiiaǧa ziian tigızetın qaldyqtardan şikızat öndırıp otyr. Bügıngı künge deiın öndırıstıŋ quattylyǧy artyp, jalpy 57 myŋ eskı kölık qaldyqtaryn öŋdegen.
