Astana qalalyq mäslihatynyŋ hatşysy Janat Nūrpeiısov «Nūr Otan» partiiasy qalalyq filialyndaǧy qoǧamdyq qabyldauynda halyqtyŋ mūŋ-mūqtajyn jiı tyŋdaidy. Halyq köbınese tūrǧyn üi-kommunaldyq şaruaşylyq salasy men ışkı aulalyq aumaqty abattandyru, medisinalyq qyzmet körsetu, jūmysqa tūru, balabaqşaǧa balalardy ornalastyru, atauly äleumettık kömek, taǧy basqa mäselelermen deputattyŋ qabyldauyna keledı.
Juyrda ötken sondai qabyldauǧa kelgen II toptaǧy mügedek Hamid Gareev «Qarjy akademiiasy» AQ-tyŋ kolledjınde oqityn qyzynyŋ oquyna töleuge aqşa jetpei jatqanyn aityp, kömek sūrady.
Sonymen qatar «Meiırımdılık-M» qaiyrymdylyq ūiymy» qoǧamdyq qorynyŋ jetekşısı Aigül Seiılova deputattyŋ qabyldauynda boldy. Atalmyş qor mügedek balalarǧa järdem beredı. Onyŋ aituynşa, qorǧa qoǧamdyq jūmysqa jıberıletın adamdardyŋ sany azaiǧan. Būǧan qosa, Sauran köşesındegı keŋsenı jöndeude de mäseleler tuyndady.
Qabyldauyna kelgen adamdardy mūqiiat tyŋdaǧan Janat Nūrpeiısov olardyŋ ötınışterın säikes qalalyq organdarǧa jetkızetının aityp, mümkındıgınşe şeşuge tyrysatynyn jetkızdı.
Amanǧali QALJANOV
