«Taidyŋ mıngenı, balanyŋ jūmsaǧany bılınbeidı» degen tämsıl keide uchaskelık polisiia ökılderıne qarata aitylǧandai körınedı. Sebebı polisiianyŋ barlyq «qara jūmysyn» uchaskelık polisiia qyzmetkerlerı atqarady desek, asyra sıltegendık bolmas.
Elbasynyŋ «Adamdar polisiia qyzmetkerlerın özderınıŋ qorǧauşysy retınde tanyp, öz qauıpsızdıkterın sezınulerı tiıs» degen sözı halyq aldynda adal qyzmet etuge ant bergen ärbır tärtıp saqşysyna ülken jauapkerşılık jükteidı. Nūr-Sūltan qalasynyŋ Polisiia departamentı uchaskelık polisiia qyzmetkerlerı osy üdeden şyǧu jolynda küresıp keledı. Polisiia qyzmetkerınıŋ mındetı zaŋdy adam qūqyǧynyŋ saqtaluyn qadaǧalau, qylmystyŋ aldyn alu bolsa, elordalyq uchaskelık poliseiler qoǧamdyq tärtıptı saqtau, qylmystyŋ jolyn kesu, halyq pen memlekettıŋ qauıpsızdıgın qamtamasyz etu jolynda alǧy şepten körınıp keledı.
Elımızdıŋ bas qalasynda 32 uchaskelık polisiia tırek punktı jüielı jūmys ıstese, onda 309 polisiia qyzmetkerı eŋbek atqarady. Ūry-qarydan, būzaqydan, qylmyskerden zapa şekken tūrǧyndardyŋ barlyǧy derlık osynda kelıp aryz-şaǧymdaryn aityp jatady. Onyŋ syrtynda tūrmystyq janjal, otbasylyq kelıspeuşılık, körşılermen tılge kelu, aǧaiynmen jaǧa jyrtysu siiaqty ırılı-ūsaqty keleŋsız jaittarǧa bailanysty da uäjder tırkeledı. Kem degende künıne 3-4 aryz, tıptı odan da köp tüsedı. Onyŋ syrtynda esepte tūrǧan tūlǧalardy tekserıp, IIM №1095 būiryǧyna säikes jarty jylda bır ret üi-üidı aralap, tüsındıru jūmystaryn jürgızedı. Tūrǧyndarmen tanysyp, tiıstı aqparat qaldyryp jatady.
Ärine, ömırde qatelesu men şalt basular bolyp jatuy – zaŋdylyq. Osyndaida uchaskelık polisiia qyzmetkerlerı ar-ojdannyŋ tazalyǧyn körsetıp, qatelıgıŋdı tüzeuge aqyl-keŋes berıp te jatady. Al būl – kez kelgennıŋ qolynan kele bermeitın ıs.
Nūr-Sūltan qalasy Polisiia departamentınıŋ jergılıktı polisiia qyzmetı basqarmasynyŋ uchaskelık polisiia inspektory jūmysyn ūiymdastyru bölımınıŋ bastyǧy, polisiia podpolkovnigı Azamat Sadyqov «Polisiia qyzmetkerınıŋ basty ūstanymy – qandai qiyndyqtar, kedergıler bolsa da şydau. Jūmysty oŋtailandyru maqsatynda tolyqtai sifrlandyruǧa köşıp jatqan jaiymyz bar. Būrynǧydai qaǧazbastylyq joq. Uchaskelık polisiia qyzmetkerlerıne planşet bölınıp, barlyq aqparat sonda jazylǧan. Äkımşılık hattamanyŋ 95 paiyzy planşetpen toltyrylady. Beine tırkeu qūraly, rasiiamen de tolyqtai qamtamasyz etılgen» dedı bızben äŋgımesınde.
Qairattylyq, jıgerlılık, qajyrlylyq, quattylyq, myqtylyqty serık etken tärtıp saqşylary arasynda maman tapşylyǧy – joqtyŋ qasy. Qyzmetkerlerdıŋ äleumettık jaǧdaiy da kezeŋ-kezeŋımen şeşımın tauyp jatqan syŋaily. Kelesı aidan bastap eŋbekaqylaryna da üsteme qosylatyny jönınde jaǧymdy jaŋalyq kelıp jettı. Jaqynda uchaskelık poliseilerdıŋ respublikalyq sletı ötedı. Oǧan üzdık şyqqandar ırıktelıp, arnaiy marapatqa ie bolmaq.
İä, tärtıptı saqtau üşın zaŋnan märtebelı eşteŋe joq. Sondyqtan är tärtıp saqşysynan ädıldık pen käsıbilıktı ızdeitınımız anyq. Būl tūrǧyda astanalyq uchaskelık polisiia qyzmetkerlerı käsıpke adaldyǧyn tanytyp keledı. «Eŋ bastysy, baspana mäselesı şeşılse, alaŋdauǧa eş negız joq» deidı tynyştyq saqşylary.
Beibıt OSPAN
