Nur Otan partiiasynyŋ Nūr-Sūltan qalalyq filialynyŋ kezekten tys HHH konferensiiasy öttı. Kün tärtıbıne qoiylǧan bırınşı mäsele boiynşa Nur Otan partiiasy Töraǧasynyŋ bırınşı orynbasary Mäulen Äşımbaev Memleket basşysynyŋ jarlyǧymen taiauda elorda äkımı bolyp taǧaiyndalǧan Altai Kölgınov turaly qysqaşa mälımet berıp, onyŋ kandidaturasyn astanalyq filial töraǧalyǧyna ūsyndy.
– Altai Seidırūly – «Bolaşaq» baǧdarlamasynyŋ tülegı. Būǧan deiın Batys Qazaqstan oblysynyŋ äkımı retınde öŋırdıŋ ösıp-örkendeuıne ülken üles qosty. Prezident Äkımşılıgınde de jauapty qyzmetter atqaryp, şeber ūiymdastyruşylyq qabıletımen tanylǧan. Sondyqtan jaŋa qyzmette de biıkten körınetınıne kämıl senemız jäne tabys tıleimız, – dedı M.Äşımbaev.
Konferensiiaǧa qatysqan 80 delegat atalmyş ūsynysqa bırauyzdan qoldau bıldırdı.
Öz kezegınde Altai Kölgınov ärıptesterıne senım bıldırgenı üşın rizaşylyǧyn bıldırıp, elordalyq filialdyŋ aldynda tūrǧan maqsattar jönınde äŋgımelep berdı. Nur Otan partiiasynyŋ HVIII sezınde Elbasynyŋ tapsyrmasymen aiqyndalǧan «Äl-auqat qoǧamy: onjyldyqtyŋ 10 maqsaty» baǧdarlamasy aiasynda jüzege asyrylyp jatqan «Halyqqa kömek», «Qūtty meken», «Baqytty otbasy» jobalary boiynşa elorda aumaǧynda qolǧa alynǧan jūmystar jönınde baiandap berdı. Osy baǧyttaǧy jūmystardy bırlesıp jürgızu qajettılıgın basa aitty.
Elorda äkımı Elbasy, partiia Töraǧasy Nūrsūltan Nazarbaev pen Memleket basşysy Qasym-Jomart Toqaevtyŋ, halyq pen partiialas serıktesterınıŋ senımın aqtau üşın aianbai eŋbek etetının de jetkızdı.
Konferensiia barysynda qalanyŋ basqa da belsendı azamattary söz söilep, kün tärtıbındegı mäseleler boiynşa öz oilaryn ortaǧa salyp, pıkır bölıstı.
