«Astana Opera» teatrynda «Astana Piano Passion 2019» V halyqaralyq jas pianister baiqauynyŋ jeŋımpazdary anyqtaldy.
Bır aptaǧa sozylǧan festival klassikalyq muzykaǧa yntyq körermenderdıŋ qūryşyn qandyrdy. Biylǧy baiqauǧa är eldıŋ bäigege ükılep qosqan otyzǧa juyq jas talanttary qatysyp, joǧary därejede öner körsettı. Olarǧa qazylyq jasaǧan azamattar da älem moiyndaǧan öner maitalmandary boldy. Saiystyŋ barlyq kezeŋı onlain türınde körsetıldı. Festivalǧa qatysuşylar üş top boiynşa, iaǧni 18 jasqa deiıngı aralyqta baq synady. Sonymen 10 jasqa deiıngı kışı topta – taivandyq jas ören Şan-en Paidyŋ baǧy jandy. Ekınşı top 11 men 14 jas aralyǧynda öner körsetkender arasynda AQŞ-tan kelgen 14 jastaǧy pianist Adrian Romoff pen reseilık 12 jastaǧy Piotr Akulov jeŋımpaz atandy. Joǧarǧy top boiynşa, iaǧni 15-18 jas aralyǧynda bırınşı oryn eşkımge berılgen joq. Ekınşı oryndy 15 jastaǧy qytailyq Sinchena Uana men reseidık Daniila Nemova jeŋıp aldy. Üşınşı oryndy jerlesımız Äliia Asanova reseilık Daria Podorojnovamen bölıstı. Jeŋımpazdardyŋ bärı baǧaly syilyqtarmen marapattaldy. Festival soŋy gala-konsertke ūlasty.
