Astanadaǧy «Mäŋgılık el» saltanat qaqpasy Memleket basşysy Nūrsūltan Nazarbaevtyŋ ideiasymen el täuelsızdıgınıŋ 20 jyldyǧyna orai boi köterdı. 2011 jyldyŋ 16 jeltoqsanynda Elbasynyŋ qatysuymen saltanatty jaǧdaida aşylǧan qaqpanyŋ biıktıgı – 20 metr, enı – 13 metr.
Sol uaqytta Elbasy öz sözınde saltanat qaqpasy el eŋbegı men tabystarynyŋ, bolaşaqqa nyq qadam basqan memlekettıŋ belgısı retınde tūrǧyzylǧanyn, jas, äsem elordamyzdyŋ taǧy bır simvolyna ainalatynyn atap öttı.
Jobany jüzege asyrǧan sol kezdegı Astana äkımı İmanǧali Tasmaǧambetov, säuletşıler Saǧyndyq Janbolatov, Mūrat Mansūrov, Nūrlan Dalbai Memlekettık syilyq iegerı atandy. Saltanat qaqpasynyŋ bırneşe ülgısı Elbasyǧa ūsynylyp, Qazaqstan Prezidentı sonyŋ ışındegı klassikalyq ülgını taŋdap aldy.
Jalpy osyndai qaqpa älemnıŋ bırneşe elınde bar. Saǧyndyq Janbolatovtyŋ aituynşa, dünie jüzındegı arkalar belgılı bır jeŋısterden soŋ boi köterdı. Mäselen, Parijdegı arka Napoleonnyŋ Austerlis şaiqasyndaǧy jeŋısı qūrmetıne salyndy. Onyŋ qūrylysy 33 jyl jürdı. Bır qyzyǧy, Astanadaǧy saltanat qaqpasy 3 ai, 3 künde salynyp, qazaqtyŋ keşegısı men bügıngısın, salt-dästürlerın aişyqtap, elımızdıŋ jarqyn bolaşaǧyna degen qaryşty qadamyn paş etıp tūr.
Saltanat qaqpasynyŋ qasbetı granit pen aşyq tüstı märmärdan qūiylǧan. Al ony ainala qorşap salynǧan, biıktıgı 4,4 metr bolatyn är müsınde tereŋ maǧyna jatyr. Mäselen, «Aqsaqal» müsını – halyqtyŋ abyz oiy men ruhani ölşemınıŋ körınısı, danalyqtyŋ simvoly. «Äiel Ananyŋ» releftı müsını qazaq ūlty üşın «Otan Ana», «Jer Ana», «Ana tılı» syndy kielı ūlttyq ūǧymdaryna ūlasady.
Köşpendı sarbazdyŋ jäne qazırgı Qazaqstan jauyngerınıŋ müsınderı ūrpaqtar sabaqtastyǧynan habar beredı.
Är müsınnıŋ joǧarǧy jaǧynda eltaŋba ornalasqan. Odan joǧaryraq jazylǧan pälsapalyq tamyry tereŋ «Mäŋgılık el» tırkesı elımızdıŋ erteŋıne jeteleidı.
Nysannyŋ qos büiırındegı «Taiqazan» tynyştyq pen toqşylyqtyŋ, bıregei köŋıl men qonaqjai peiıldıŋ tereŋ ūǧymyn bıldıredı. Olardan joǧaryraq «Elım menıŋ aŋsaǧan, baba ümıtın aqtaǧan» jäne «Bırlık, yntymaq – baiandy bolaşaq» jazulary ornalastyryldy. Saǧyndyq Janbolatovtyŋ sözınşe, būl müsınder kölemı Türkıstandaǧy taiqazanǧa şaq.
Qazaq jauyngerınıŋ bes qaruynyŋ bırı – «Qalqan» qauıp-qaterden qorǧan, senımdılık, tūraqtylyq, jeŋıstıŋ belgısı. Qaqpanyŋ ışkı jaǧy 7 h 3,5 metr bolatyn bederlı surettermen äşekeilengen. Olardyŋ bırınde «Saqtar» – «Türkıler» – «Qypşaqtar» – «Qazaqtar» tızbesındegı qazaqtyŋ şyǧu tarihynyŋ kezeŋı körsetılgen.
«Mäŋgılık el» saltanat qaqpasynyŋ ışınen byltyr körme galereiasy men nysannyŋ ūşar basynan şolu alaŋy aşyldy. Joǧary jaqqa liftpen de, satymen de köterıluge bolady. Saltanat qaqpasy Orynbor daŋǧyly men №25 köşenıŋ qiylysynan boi köterse, bügınderı būl köşe Mäŋgılık el daŋǧyly bolyp atalady.
