1000 oryn ūsynyldy
Elordadaǧy Jastar saraiynda äkımdıktıŋ Halyqty jūmyspen qamtu ortalyǧy järmeŋke ūiymdastyryp, 1000-ǧa juyq bos jūmys ornyn ūsyndy. Odan bölek, «Aşyq memleket» memlekettık qyzmetterdıŋ järmeŋkesı ötkızıldı. Onda keluşılerge elektrondy sifrly qoltaŋba berılıp, özge de qūjattar men anyqtamalardy aludyŋ joldary tüsındırıldı.
Biyl jyl basynan berı Jūmyspen qamtu ortalyǧyna 7 myŋnan astam adam ötınış qaldyrǧan eken. Ortalyqtyŋ mälımetıne süiensek, onyŋ 2652-sı jūmysqa ornalastyryldy. Al bügıngı järmeŋkede 100 şaqty jūmys beruşıler ümıtkerlermen tıkelei tıldesıp, sūhbattasty. Jūmyspen qamtu ortalyqtarynyŋ mamandary eŋbekpen qamtu, jūmysqa ornalasu, qaita daiarlau, jūmys ızdeu tehnologiiasy, käsıptık oqytu jäne qosymşa käsıbi bılım beru mümkındıkterı turaly keŋes berdı.
Jūmyspen qamtu ortalyǧynyŋ jūmys beruşılerdı qoldau bölımınıŋ basşysy Qalamqas Kulşimanova biyl elordada taǧy 4 järmeŋke ūiymdastyru közdelgen deidı. Onyŋ aituynşa, atalmyş şaraǧa jūmys beruşılerdıŋ özderı de zor yqylas tanytyp otyr. Sebebı järmeŋke – mekemeler üşın mamandardy sūryptap, taŋdap aluǧa taptyrmas mümkındık.
Al «Aşyq memleket» järmeŋkesınde memlekettık organdar tūrǧyndarǧa onlain qyzmetterdı qalai aluǧa bolatynyn tüsındırdı. Mäselen, Ädılet departamentı qūjattarǧa apostil qoiu tärtıbımen tanystyrdy. QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentı basşysynyŋ orynbasary Roman Kim būl şara Elbasy jariialaǧan «Sifrly Qazaqstan» baǧdarlamasyn jüzege asyruǧa baǧyttalǧanyn jetkızdı.