Keşe Memleket basşysy Qasym-Jomart Toqaev Astana qalasynyŋ äkımı Jeŋıs Qasymbektı qabyldady, dep habarlaidy astana-akshamy.kz.
Elorda äkımı qalanyŋ äleumettık-ekonomikalyq jäne infraqūrylymdyq damuy jönınde mälımet berdı. Onyŋ aituynşa, barlyq negızgı ekonomikalyq körsetkışter boiynşa oŋ dinamika baiqalatynyn aitty. Byltyr tartylǧan investisiia kölemı 1,6 trillion teŋgenı qūraǧan. Öŋdeu önerkäsıbı, bılım, medisina, logistika, kölık jäne basqa da salalarda ıske asyrylǧan jobalardyŋ nätijesınde 1,8 myŋ jūmys orny aşylǧan. Ötken jyly JOLTAP jobasy aiasynda 6 myŋǧa juyq azamat jūmysqa ornalasqan. Al biyl jūmyspen qamtylatyn azamattardyŋ sanyn 2 ese ūlǧaitu, iaǧni 12 myŋ adamnan asyru josparlanyp otyr. Jalpy 2024 jyly 58 myŋǧa juyq jūmys ornyn aşu közdelgen.
Byltyr küzde «Oŋtüstık-Şyǧys» gaz jylu stansiiasyn, «Tūran» gaz jylu stansiiasynyŋ bırınşı kezegın jäne üşınşı JEO-ny ıske qosu nätijesınde jylu qala boiynşa ūzaq uaqyttan berı alǧaş ret artyǧymen berılıp jatyr. Elordanyŋ tynys-tırşılıgın qamtamasyz etetın būl nysandardyŋ quaty – saǧatyna 1140 gigakaloriia. Biyl «Telman» gaz jylu stansiiasynyŋ bırınşı kezegı jäne «Tūran» gaz jylu stansiiasynyŋ ekınşı kezegı, üşınşı JEO-nyŋ kömırmen jylytylatyn bölıgınıŋ ıske qosylatyny turaly mälımet berdı. Būl nysandar qalany qosymşa 600 Gkal/saǧat jylu quatymen qamtamasyz etedı;
Äleumettık nysandardyŋ qūrylysy, apatty jaǧdaidaǧy eskı üilerdı süru, qūrylysy ūzaqqa sozylǧan nysandardy salyp bıtıru, tūrǧyn üi alaptaryn damytu, qalany abattandyru jäne kögaldandyru jūmystary turaly aitty.
Prezident Qasym-Jomart Toqaev elordany odan ärı damytu jönınde bırqatar tapsyrma berdı.
