Astanaǧa jyl saiyn 40 myŋdai adam köşıp keledı. Kün saiyn myŋdaǧan säbi dünie esıgın aşatyn qalada halyq sany ūdaiy ūlǧaiady. Mūndai demografiialyq ösım, ärine, türlı äleumettık mäseleler tuyndatady. Sonyŋ bırı – mektepterdegı oryn jetıspeuşılıgı. Ol turaly tolyǧyraq Astana qalasy bılım basqarmasynyŋ basşysy Äsima BİMENDİNA aityp berdı.
– Astanadaǧy bılım beru ūiymdaryndaǧy oryn tapşylyǧynyŋ sebebı nede?
–Tuu körsetkışınıŋ ösımı joǧary ärı halyqtyŋ materialdyq, äleumettık ahualy jaqsara tüstı. Sonymen qatar, elordaǧa jan-jaqtan köşıp kelıp jatqan mektep jasyndaǧylar köp. Elordanyŋ künnen-künge ösuı, örkendeuı qalaǧa qyzyǧuşylardyŋ sanyn arttyryp otyr.
– Qazır qalada qanşa balabaqşa bar jäne qanşa balaǧa oryn jetıspei otyr?
– Balalardyŋ jaǧdaiyn jasau otbasynyŋ ǧana emes, qala äkımdıgınıŋ, onyŋ ışınde bılım basqarmasynyŋ jıtı nazarynda. Būl mäselenıŋ şeşımı ızdestırılude. Astanada 138 balabaqşa bar. Memlekettık menşıktegısı – 77, jeke menşıktegılerı – 60. Qalǧan bıreuı – vedomstvolyq. Qazır mektepke deiıngı bılım beru mekemesıne 33 myŋ 575 bala baryp jür. «Balapan» baǧdarlamasymen 3-6 jas aralyǧyndaǧy 61,9 paiyz böbek qamtylǧan. Jyl basynda 800 oryndyq üş balabaqşa, al aqpan aiynda 720 oryndyq üş balabaqşa paidalanyluǧa berıldı. Şıldede 520 oryndyq ekı balabaqşa aşyldy. Qazır 480 oryndy 2 balabaqşanyŋ qūrylysy aiaqtalyp qaldy. Taǧy 920 balaǧa tört balabaqşa qūrylysy jalǧasyp jatyr. Taiauda bastalǧan jetı balabaqşanyŋ qūrylysy aiaqtalsa, 1680 büldırşınge oryn tabylady. Bılım ūiymdarynyŋ köptıgı oryn tapşylyǧy mäselesın şeşuge oŋ yqpalyn tigızıp, kadrlar da jaŋa oryndarmen qamtamasyz etıletın bolady.
– Mektepterdıŋ qūrylysy jönınde ne aitasyz?
– Biyl bıtkelı otyrǧan 3500 oryndyq üş mekteptıŋ qūrylysy äne-mıne aiaqtalady. Odan bölek, taǧy 6 myŋ orynǧa şaqtalǧan bes mekteptıŋ qūrylysy bastaldy. Aldaǧy uaqytta oryn tapşylyǧy bolmaidy dep oilaimyz. Jalpy, qalamyzdaǧy 82 mektepte 86 myŋ 663 oquşy bılım alady. Şyny kerek, oryn jetıspei jatqandyqtan keibır mektepterde, atap aitsaq, №8, 13, 28, 31,37,57 mektepterde üş auysymmen oqidy. 15 myŋ 728 oquşy dalada qalmas üşın osylai amaldauǧa mäjbürmız. Qalalyq Bılım basqarmasy osynau tapşylyqpen küresıp, jūmysty üilestırıp otyruǧa tyrysamyz. Elordalyq balalardyŋ bılım sapasymen qosa, olardy barlyq qajettılıkpen qamtu, talaptardy üilestıru jaiyn qadaǧalaimyz. Jūmys neǧūrlym qarqyndy jürgen saiyn, talap ta soǧūrlym ösıp barady.
Erkejan SÄTIMBEK
