Jeksenbı künı futboldan Qazaqstan chempionaty märege jettı. Premer-ligada alǧaş ret Şymkenttıŋ «Ordabasy» komandasy chempiondyq ataqqa qol jetkızdı. Kümıs jüldeger –
«Astana», qola medal «Aqtöbe» klubyna būiyrdy.
Sonymen köktemde bastalǧan el bırınşılıgınde jaŋa chempion anyqtaldy. Ūlttyq bırınşılıkte üzılıssız oinap kele jatqan «Ordabasy» komandasy biyl bırınşı ret altyn jüldege qol sozdy. Şymkent qalasy üşın būl ülken toiǧa ainaldy dese bolady.
Al Qazaqstannyŋ 7 dürkın chempiony «Astana» būl joly kümıs enşıledı. Sondai-aq el chempionatynda 5 dürkın jeŋımpaz bolǧan «Aqtöbe» būl joly qolany qanaǧat tūtty.
Biylǧy chempionatqa qatysqan 14 komanda arasynda 182 match öttı. Ortaşa eseppen är oiyndy 5421 janküier tamaşalaǧan eken.
Chempionat qorytyndysynda aldaǧy jylǧy UEFA klubtyq turnirlerınde: Chempiondar ligasynda – «Ordabasy», Europa ligasynda – «Astana», Konferensiia ligasynda «Aqtöbe» oinaityn boldy.
Al «Oqjetpes» (Kökşetau), «Kaspii» (Aqtau) jäne «Aqsu» (Pavlodar) komandalary turnir kestesınıŋ soŋynda qalyp, bırınşı ligaǧa tüstı. Biyl bırınşı ligada üzdık şyqqan «Elım-ai» (Semei), «Tūran» (Türkıstan) jäne «Jeŋıs» (Astana) komandalary aldaǧy jyly Premer-ligada öner körsetetın boldy.
