Reseidıŋ Ekaterinburg qalasynda ötıp jatqan älem chempionatynyŋ şirek finaly aiaqtaldy. 8 salmaq därejesınde ötıp jatqan bairaqty bäsekenıŋ jüldelerın kımderdıŋ alatyny belgılı boldy.
Jartylai finalǧa Qazaqstannyŋ 6 boksşysy şyqty.Sonyŋ üşeuı Säken Bibosynov (52 kelı), Tūrsynbai Qūlahmet (75 kelı), Vasilii Levit (91 kelı) osy kezeŋde qarsylastarynan jeŋıldı. Nätijesınde qola medal iegerlerı atandy. Al Abylaihan Jüsıpov (69 kelı), Bekzat Nūrdauletov (81 kelı) jäne Qamşybek Qonqabaev (+91 kelı) endı altyn üşın aiqasqa tüsedı.
«Jıgıtterımız äzırge jarap tūr. Bır kün demalystan keiın jüldeler üşın jekpe-jekter bastalady. Endı bar küşımızdı eŋ sapaly medaldar aluǧa salamyz. Baq pen baptyŋ qatar şabatyn kezıne keldık» dedı bokstan Qazaqstannyŋ memlekettık jattyqtyruşysy Bolat Abdrahmanov.
Jalpy, älem chempionaty jarysyndaǧy negızgı qarsylastardan jartylai finalǧa Resei qūramasynan – 3, Kubadan – 3 jäne Özbekstannan – 5 boksşy şyǧyp otyr. Älem chempionatynyŋ jartylai finaly 20 qyrküiekte, al älem chempiondarynyŋ esımı 21 qyrküiekte belgılı bolady.
Ekaterinburg.
