Zamanynda Kültegın babamyz «Bırlıgı myqty el būzylmas» dep artyndaǧy ūrpaǧyna tasqa qaşap ösiet qaldyrǧan eken. İä, otyz jylǧa juyq elımız bırlıktıŋ arqasynda tırlık etıp, älemdık qauymdastyq moiyndaǧan halyqaralyq qatynastyŋ tolyq subektısıne ainalyp ülgerdı. Būl – bız siiaqty jas memleketke ülken maqtanyş jäne abyroi. Memleketımızdıŋ qazırgı jaŋa tarihyna köz jügırtsek, täuelsızdık jyldarynda täu etetın qūndylyqtarymyz jeterlık.
Bırınşıden, elımız adam kapitalyn saqtap qana qoimai, onyŋ sapasyn jaqsartu jolynda qyruar eŋbek ettı. Egemendıktıŋ alǧaşqy jyldarynda tek şikızatqa täueldı bolǧan ekonomikany diversifikasiialau mäselesı tūrdy. Elbasy Nūrsūltan Äbışūly Nazarbaev sol kezde «Äuelı ekonomika, sosyn saiasat» degen ūstanymǧa toqtaldy. Nätijesınde el ekonomikasyna qyruar investisiialyq qarjy tartyldy. Jaŋadan öndırıs oryndary aşylyp, tūralap tūrǧan käsıporyndardyŋ tamyryna qan jürdı. Osy käsıporyndarda qyzmet etetın memleket qūruşy qazaq ūlttyq kadrlaryn qalyptastyru jäne adami kapitalyn jaqsartu üşın jastarǧa arnap memlekettık «Bolaşaq» baǧdarlamasy qatar jüzege asyryldy. Bügınde osylardyŋ jemısın halyq körıp otyr.
Ekınşıden, bız şekaramyzdy körşı memlekettermen tügel şegelep şeşıp aldyq. Mysaly, alys şetelderdı aitpai-aq, janymyzdaǧy Tauly Qarabaq sekıldı körşılerımızdıŋ özderı de osy jer dauy üşın ülken qantögıske bardy. Osy tūrǧydan alǧanda, täuelsızdıktıŋ bırınşı belgısı şekarany anyqtap aludaǧy Tūŋǧyş Prezidentımız, Ūlt köşbasşysy Nūrsūltan Nazarbaevtyŋ jas memleketımızdıŋ täuelsızdıgın tūǧyrly etudegı tarih pen keleşek ūrpaq aldyndaǧy eŋbegı orasan zor.
Üşınşıden, bız siiaqty köpūltty memlekettegı bırlık pen yntymaqty saqtap qalu mäselesı. Qazaq elınıŋ köpūltty bolyp qalyptasuy būl keşe ǧana qalyptasqan jaǧdai emes. Tarihqa şolu jasasaq, bastauyn sol aq patşa zamanynan alǧan būl prosess keşegı egemendık alǧan tūsqa deiın jalǧasyp jatty. Onyŋ ärtürlı sebepterı bar. Jüzden asa ūlt pen ūlystyŋ basyn qosyp, «Bır jaǧadan bas, bır jeŋnen qol şyǧaryp», bır şaŋyraqtyŋ astynda airandai ūiytyp jas memleket qūru erdıŋ ısı boldy. Bırlıgı tırlıgıne sai memleket qana mynau jaHandyq älemde öz ornyn alatyny – aksioma.
Tūŋǧyş Prezidentımız – Elbasy Nūrsūltan Äbışūly Nazarbaevtyŋ tıkelei bastauymen qūrylǧan Qazaqstan halyq assambleiasy osy ūltaralyq kelısım men tūraqtylyqty saqtap qaludaǧy qasiettı missiiasyn mültıksız oryndap keledı. Qazırgı taŋda elımızde basqa ūlttarǧa öz dästürın, mädenietın, tılın saqtap qaluda tolyq jaǧdai jasalǧan. El Parlamentı Mäjılıste de Qazaqstan halyq assambleiasy ökılderıne arnaiy kvota bölıngen. Būl eldegı ūltaralyq syilastyqtyŋ tolyq körınısı desek eş qatelespeimız.
Sonymen qatar, älemdegı örkenietter qaqtyǧysyna qaramastan, elordamyzda älemdık dınderdıŋ basyn qosyp jüielı türde ülken sezder ötkızdık. Sondaǧy maqsat Qazaqstandaǧy qalyptasqan ūltaralyq, dınaralyq, mädenietaralyq ülgını älemge qazaqstandyq model retınde körsetu, paş etu bolatyn. Bız osy missiiany laiyqty oryndaǧandaimyz. Endıgı jerde täuelsızdıktıŋ otyz jyldyǧy qarsaŋynda eldegı yntymaq pen berekenı būdan ärı nyǧaityp, babalardyŋ amanatyn keler ūrpaqqa aman jetkızu dep bılemız.
Zulfuhar ǦAIYPOV,
Joǧary kölık jäne kommunikasiia
kolledjınıŋ direktory,
Nūr-Sūltan qalasy mäslihatynyŋ deputaty
