Nūr-Sūltan qalalyq mäslihatynyŋ deputattyǧynan ümıtker Talǧat Mamyqanov jeksenbı künı «Esıkten esıkke deiın» aksiiasynyŋ aiasynda Beibıtşılık köşesınıŋ tūrǧyndaryna ügıt-nasihat jürgızdı.
Atalǧan şara barysynda köpşılıkke Nur Otan partiiasynyŋ sailaualdy baǧdarlamasy tanystyryldy. Kezdesu pıkırlesu formatynda jürgızıldı. Sondai-aq tūrǧyndar ümıtkerge özderın tolǧandyryp jürgen köptegen sūraqtar qoiyp, onyŋ tolyqqandy jauabyna qanyqty. Saualdar qoǧamdyq ömırdıŋ ärtürlı qyrlaryn qamtydy: halyqtyŋ qarjylyq-materialdyq hal-ahualy, medisina jäne bılım beru salasy qyzmetkerlerı jalaqysynyŋ tömendıgı, ekınşı deŋgeilı bankterdıŋ nesielık paiyzdarynyŋ joǧarylyǧy, nesielerdı keşıru, sportty damytu, mektepter men balabaqşalarda oryndardyŋ joqtyǧy, medisina salasynda naqtyly mamandanym qyzmetkerlerınıŋ tapşylyǧy, jūmys ornynyŋ jetıspeuşılıgı jäne t.b. Keibır mäseleler boiynşa saual qoiuşylarǧa egjei-tegjeilı jauap berılıp, naqty jaittar tereŋırek talqylandy. Qalai degende de kezdesu ekı jaqqa da tiımdı boldy.
– Äleumettık sala qyzmetkerlerınıŋ jalaqysy köŋıl könşıterlıktei emes ekenı ras. Bıraq memleket osy olqylyqtardy joiu baǧytynda jūmys ıstep jatyr. 2021 jyldyŋ qaŋtar aiynan bastap bılım salasy qyzmetkerlerınıŋ eŋbekaqysy 25 paiyzǧa köterıledı. Sondai-aq Memleket basşysynyŋ tapsyrmasy boiynşa, keler jyldyŋ basynan bastap barlyq medisina qyzmetkerlerınıŋ jalaqysy kezeŋ-kezeŋmen ösırıle beredı, – dedı Talǧat Mamyqanov.
Ekınşı deŋgeilı bankter nesielerınıŋ paiyzdyq mölşerlemelerınıŋ joǧarǧylyǧy turaly saualǧa da naqtyly jauap berıldı: memleket halyqtyŋ nesielık jüktemelerın azaitu üşın türlı memlekettık baǧdarlamalardy jüzege asyruda.
Sondai-aq köpşılıktı tolǧantqan sport taqyryby da söz boldy. Memleket balalar men jastar arasynda būqaralyq sportty damytuǧa qajettı qarjyny bölıp otyr. Ol üşın käsıbi klubtardy qarastyrylǧan qarajat ışınara ekşelıp, ünemdelgen aqşa äuesqoilar sportyna jūmsaldy.
Balabaqşalar men mektepterde oryndardyŋ jetıspeuşılıgın joiu boiynşa bırqatar ıs-şaralar atqarylyp jatyr. Būl jerde basty mäsele – qala halqy sanynyŋ jedel ösıp kele jatqandyǧynda jäne ışkı köşı-qon prosesınıŋ qarqyndylyǧynda. Biudjetten balabaqşalarǧa demeuqarjy bölınedı, osy qarjynyŋ bır bölıgı baqşalarǧa baratyn balaqandardyŋ tölemıne jūmsalady.
Talǧat Mamyqanovtyŋ aituynşa, medisina salasynda keibır tar şeŋberlı mamandyq ielerınıŋ tapşylyǧy sezıletını ras, degenmen jaqyn bolaşaqta osy jetıspeuşılıktıŋ aldyn alu üşın olardyŋ jalaqysy köterılıp, mamandanymdar boiynşa üstemaqy berıletın boldy. 2021 jyly naqtyly medisinalyq mamandanymdarǧa oqytu üşın qala äkımınıŋ 200 grantyn taǧaiyndau josparlanǧan.
– Halyqtyŋ tūrmys-tırşılıgın jaqsartu, ömır süru sapasyn arttyru maqsatynda olardyŋ tūrǧylyqty jerlerın abattandyrudyŋ da maŋyzy zor. Osyǧan orai Beibıtşılık köşesı boiyndaǧy üiler men aulalardyŋ barlyǧy derlık jaŋaşa jasaqtandyrylyp, köpşılık bos keŋıstıkterde balalar jäne sport alaŋdary jasaldy, – deidı söz soŋynda Talǧat Mamyqanov.
