TAZALYQ – DENSAULYQ KEPILI
Adam ışkı aǧzasynyŋ būzyluy kündelıktı tūtynatyn taǧamnan bolady. Ekınşıden, jeke bas gigienasyna salǧyrt qaraǧan-dyqtan, derttıŋ asqynu qaupı tuyndaidy. Jemıs-jidek jan-jaqtan aǧylyp kelıp jatqan jaz mezgılınde ony tūtynuşylar qatary tıptı artyp otyr.
Jylda respublikalyq deŋgeide saqtandyru şaralary tūraqty ötkızılıp keledı. Atynyŋ özı jariia etıp tūrǧandai, «Halyqtyŋ densaulyǧy – qauıpsız taǧamda» atty aksiia biyl da jalǧasyn tapty. QR Densaulyq saqtau ministrlıgı memlekettık sanitarlyq-epidemiologiialyq qadaǧalau komitetınıŋ Astana qalasy boiynşa departamentınıŋ ūiymdastyruymen osy şara «Äsem» sauda ortalyǧynda jürgızılıp, halyq satyp alǧan azyq-tülıkterınıŋ qūramyn tekseruden ötkızdı. Bügın «Euraziia» sauda ortalyǧynda da osyndai saraptama jasalady.
Aksiia barysynda departament qyzmetkerlerı tūrǧyndarǧa tazalyqty saqtau men qalai tamaqtanu kerektıgı jönınde jazylǧan aqparattardy taratty. Bız ekı saǧat boiy olardyŋ janynda bolyp, tūrǧyndardyŋ belsendılıgın baqyladyq. Jastar jaǧy satyp alǧan tauarlaryn tekseruden ötkızuge asa qūlyq tanyta qoiǧan joq. Kezekte tūrǧandardyŋ basym bölıgı egde azamattar boldy.
– Bız toqsan saiyn sauda nüktelerındegı azyq-tülık tauarlarynyŋ sapasyn tekseruden ötkızemız. Biyl qūramynda nitraty basym taǧamdardan ulanu deregı tırkelgen joq. Al auruhanada em alǧandardyŋ denı – jeke bas gigienasyn saqtamaǧandyǧynan zardap şektı. Jalpy, būl aksiia densaulyqty saqtau men sapaly tauardy qalai aiyru kerektıgı jönınde halyqqa mol maǧlūmat beredı dep oilaimyn,–deidı departament direktory Sarqat Saǧyntaiqyzy.
Rasynda, keibırımız tamaqty paidalanu men ony daiyndaudyŋ erejelerın bıle bermeimız. Mäselen, jūmyrtqany satyp alǧannan keiın, ony soda erıtındısıne salyp, sabyndy suda şüberekpen juǧan dūrys eken. Tazalanǧan jūmyrtqalardy toŋazytqyşta 12 künge deiın saqtauǧa rūqsat etıledı. Basqa taǧamdarǧa qoiylatyn talaptar da öz aldyna bır bölek äŋgıme. Demek, aksiiadan qalys qalmaŋyz, aǧaiyn!
Ämırhan ALMAǦANBETOV