zaim na kartu ot 15000 Soŋǧy apta bederınde jūrtşylyq japa-tarmaǧai pıkır bıldırıp, ün qosyp, saraptama, boljam jasap nemese kümän qosaqtap, basty taqyrypqa ainaldyruy tiıs bır mäsele eskerılmei, eleusızdeu qalyp qoiǧan siiaqty körındı. Bylai qarasaŋ, elımız ben jūrtşylyq üşın öte özektı, baiypty, taǧdyrşeştı jaittar. Ärqaisysymyzǧa tıkelei de, janama da äserı boluy, bılınuı, körınuı tiıs jobalar. Bız nenı aityp otyrmyz? Memleket basşysy Qasym-Jomart Toqaev arnaiy Jarlyǧymen bekıtıp, Ükımet ıske asyrudy qolǧa alǧan ūlttyq jobalar turaly aityp otyrmyz. Taiaudaǧy tört jylda ıske asyryluy, oryndaluy tiıs 10 ūlttyq jobanyŋ barlyǧy da maŋyzdy. Qoǧamdaǧy özektı mäselelerdıŋ bärı qamtylǧan: denı sau ūlt, sifrlandyru, tehnologiialyq serpılıs, quatty öŋırler, bılımdı ūlt, käsıpkerlıktı damytu, agroönerkäsıptı jandandyru, qauıpsız el, ūlttyq ruhani jaŋǧyru, «jasyl» Qazaqstan siiaqty kezek küttırmei qolǧa alynuy tiıs mındetter tızbelengen. Eŋ bastysy, oryndalu merzımı, bölınetın qarjy, jauapty mekemeler, tūlǧalar da naqtylanǧan. Mäselen, şaǧyn jäne orta biznestıŋ jalpy ışkı önımdegı ülesın 35 paiyzǧa arttyryp, kerısınşe, memlekettıŋ ekonomikadaǧy ülesın 14 paiyzǧa deiın tömendetu közdelıptı. Osy salada 1 millionǧa juyq jaŋa jūmys orny qūrylmaq. Turizmnen tüsetın qarjy da eselep artpaqşy. Al «Tuǧan jer» degen baǧdarlama aiasynda mesenattardan 7,2 milliard teŋge kömek bolady, būl auyldardaǧy mädeni oşaqtardy jaŋǧyrtyp, jainatady dep josparlanypty. Ükımet saitynda büge-şıgesınıŋ bärı tūr. Tanysamyn deseŋ, kedergı joq.
Ülken mındetter, auqymdy josparlar qalai ıske asady, tek qaǧazda qalmai ma, qarjy tolyq jete me, qoldy bolyp ketpei me, nätije dūrys bola ma, baqylau bosaŋsymai ma, kım qadaǧalaidy? Osy jobalar ıske assa tūrmys tüzele me, eŋse tıktele me, el qalai özgeredı degen siiaqty saualdar ortaǧa tastalyp, gazet-jurnal aşyp qalsaŋ, teledidar qosyp qalsaŋ, älemjelıge köz salsaŋ, ülken pıkırtalas, saraptamalardan köz sürınuı, qūlaq jaŋǧyruy tiıs edı. Basşy da, qosşy da, sarapşy da, saiatşy da ūlttyq jobalar töŋıregınde oi-pıkır dodasyn qyzdyryp jatuy kerek siiaqty edı. Ökınışke qarai, aptanyŋ basty taqyryptary – auǧan bilıgıne kelgen tälıptermen kezdesken bızdıŋ diplomattardyŋ kiımı men saqaly, jat jūrtqa, özge näsılge ūzatylǧan qazaq qyzynyŋ syŋsuy, ärtısterdıŋ basqa elge köşuı, polisiia bastyǧynyŋ qaramaǧyndaǧy qyzmetkerlerge qol jūmsauy, kıtap joǧaluy, Erke Esmahannyŋ «erke» qylyqtary siiaqty qany jerge tambai tūrǧan «maŋyzdy» oqiǧalar. Osyndai ūsaq-tüiekterden aiaq alyp jüre almaisyŋ. Qazır osy siiaqty kün saiyn qaitalanatyn «köŋıldı» oqiǧalar bızdıŋ köŋılımızdı «ösırmese», tūrmysymyzdy tüzep jatqan joq.
Ūsaq-tüiektı qozǧaimyz dep özımız de ūsaqtalyp bara jatqan joqpyz ba? Ūlt, ūlttyq joba, ūlttyq müdde degen siiaqty saliqaly äŋgıme aitylsa, bıreu «qoişy sony» dep yrjiyp külıp tūrǧan siiaqty körınedı. Onysy nesı eken?!.
