JASÖSPIRIM BOKSŞYLAR JARADY
Ukraina astanasy Kievte ötken jasöspırımder arasyndaǧy älem chempionatynda qazaqstandyq boksşylar tamaşa körsetkışke qol jetkızdı.
Älem bırınşılıgınıŋ jartylai finalyna Qazaqstan qūramasynan segız boksşy şyqqan edı. Alaida aqtyq syn aldyndaǧy aiqastarda bes boksşymyz qarsylastaryna jol berıp qoidy. Al altyn üşın ötken jekpe-jekterde Rahat Marjyqpaev (66 kg) pen Abylaihan Jüsıpov (57 kg) öz salmaqtary boiynşa älem chempionatynyŋ jeŋımpazy atandy. Aqtyq synda sürıngen Qadyrbek Sadyrbek kümıs jüldege ie boldy. Älımjan Beskempır, Serık Temırjanov, Stoian Mazur, Bauyrjan Temırhan jäne Dmitrii Zisko qolany qanaǧat tūtty.
Jalpy komandalyq esepte üş altyn, bes kümıs jäne ekı qola medal alǧan Resei qūramasy bırınşı oryndy ielense, üş altyn medal alǧan Kuba qūramasy ekınşı orynnan körındı. Al bızdıŋ jıgıtter üşınşı orynǧa taban tıredı.
Ǧalym QOJABEKOV