«Elıŋnıŋ ūly bolsaŋ, elıŋe janyŋ aşysa, azamattyq namysyŋ bolsa, qazaqtyŋ ūlttyq jalǧyz memleketınıŋ nyǧaiyp-körkeiuı jolynda jan terıŋdı syǧyp jürıp eŋbek et. Jerdıŋ de, eldıŋ de iesı özıŋ ekenıŋdı ūmytpa!».
Bır qalamnyŋ ūşymen jazylyp, barşa qauymnyŋ jüregıne ornaǧan, bır auyzdan aitylyp, keŋ ölkemdı şarlaǧan Elbasynyŋ osynau bır sözı qai uaqytta da qan tamyrymyzdyŋ bülkılındei estıledı bızge. İä, būl – bükıl qazaq jūrtynyŋ, düiım eldıŋ qyzu qūştarlyqpen, sarqylmas süiıspenşılıkpen aitar, ardaq tūtar asyl lebızı. Eldık tuymyz tıgılgen ülken üiımız, altyn şaŋyraǧymyz da osynda. Jarastyǧymyzdyŋ da, jaqsylyǧymyzdyŋ da, tynyştyǧymyzdyŋ da qiiasy, mahabbatymyzdyŋ ūiasy da – Qazaqstan.
2016 jyl – Qazaqstan Respublikasynyŋ öz Täuelsızdıgın jariialaǧanyna 25 jyl tolatyn, el ömırındegı aişyqty jyl. Osy ötken şirek ǧasyr uaqyt – tarihi damudyŋ ülken satysynan ötken qazaqstandyqtar Täuelsız elımızdıŋ Tūŋǧyş Prezidentı, Ūlt köşbasşysy Nūrsūltan Nazarbaevtyŋ basşylyǧymen äleuettı de örkeniettı memleket qūru jolynda bılek bırıktıre eŋbek etken kezeŋ. Halqynyŋ myzǧymas tūtastyǧy men ruhynyŋ myqtylyǧy arqasynda adam sengısız joǧary ekonomikalyq damu men azamattyq kelısımge qol jetkızgen elımız memlekettık qūrylystyŋ sapaly jaŋa kezeŋıne qadam basty. Bolaşaqtyŋ baǧdaryn belgılegen basym baǧyttar Memleket basşysy ūsynǧan bes institusionaldyq reformada aiqyn körınıs tapty. Al älemnıŋ barynşa damyǧan 30 elınıŋ qataryna enu üşın bıryŋǧai bolaşaq ūlt qalyptastyrudy közdegen jalpyūlttyq «Mäŋgılık el» patriottyq ideiasy Ūlt josparynyŋ negızı bolyp qalandy.
Osynau memleket pen qoǧamda oryn alyp otyrǧan barlyq saiasi-ekonomikalyq, äleumettık reformalardyŋ bärı 1995 jyly qabyldanǧan negızgı zaŋ – Qazaqstan Respublikasy Konstitusiiasynyŋ qaǧidalary negızınde jüzege asyp jatty. Tūtastai alǧanda, täuelsızdık jyldarynda eldıŋ zaŋ şyǧaruşy organy 2000-nan asa zaŋ qabyldady, onyŋ 90 paiyzdan astamyn qazırgı qos palataly Parlament qabyldady. Qabyldanǧan zaŋdar memleketımızdıŋ tūraqty jäne ornyqty damuynyŋ berık qūqyqtyq tūǧyrnamasyna ainaldy.
El egemendıgın alǧan sätten bastap memleket damuyna baǧyttalǧan reformalardyŋ öz deŋgeiınde jüzege asyryluyn jıtı qadaǧalap, zaŋdyq negızderın baqylauda ūstaǧan, täuelsızdıktıŋ basty jetıstıgı jäne berık ırgetasy – ışkı tūraqtylyqty közdıŋ qaraşyǧyndai saqtap, jas memleketımızdıŋ aiaǧynan nyq tūruyna, älemnıŋ alpauyt elderımen tereze teŋestıruıne täuelsızdıkpen bırge qaita qūrylǧan sottyŋ da qosqan ülesı ūlan-ǧaiyr. Täuelsızdıktıŋ arqasynda qoǧamdyq-saiasi ömırde, ekonomikada tübegeilı reformalar jasaldy.
1991 jyly qabyldanǧan «Qazaqstan Respublikasynyŋ memlekettık täuelsızdıgı turaly» Konstitusiialyq zaŋ jaŋa derbes memlekettıŋ qalyptasuyna jol aşty. Äleumettık baǧdarlanǧan demokratiialyq jäne qūqyqtyq memleket qūruǧa baǧyttalǧan josparly saiasi, ekonomikalyq jäne basqa da qaita qūrular qoǧamnyŋ zaŋdyq salasyn reformalau qajettılıgıne alyp keldı. Elde oryn alǧan özgerıster qoǧamnyŋ eŋ basty qūndylyǧy retınde adamdy, adam ömırın aldyŋǧy qatarǧa şyǧardy.
Bügınde azamattardyŋ konstitusiialyq qūqyqtary men bostandyqtaryn qorǧau, memlekettık-qūqyqtyq qūrylymdardyŋ tūraqty jūmys ısteuı üşın qajettı jaǧdailardy qūru, ışkı saiasi tūraqtylyq pen qoǧam bırlıgın saqtau mäselelerı erekşe mänge ie.
S.JŪMAǦALİEV,
Aqmola garnizony äskeri sotynyŋ jetekşı mamany
