Астана экономикалық форумы аясында Қазақстан Республикасы Энергетика министрлігі, Астана қаласының әкімдігі және Назарбаев зияткерлік мектептері дербес білім беру ұйымы мен «Шелл» компаниясы арасында «Мектептерге күн энергиясы» қанатқақты жобаны іске асыру бойынша меморандумға қол қойылды.
Астана, Алматы, Ақтау, Атырау, Орал қалаларындағы Назарбаев зияткерлік мектептерінде күн фотоэлектрлік жүйесі орнатылады деп хабарлайды Астана қаласы әкімдігінің ресми сайты.
«Мектептерге күн энергиясы» атты жобаны іске асыру 2016 жылы «Шелл» компаниясының ҚР Энергетика министрлігімен бекітілген меморандум аясында жүзеге асады. Аталған жоба «Жасыл экономикаға көшудің» жалпыұлттық ауқымда мақсатын одан әрі қолдау бойынша шағын габаритті энергия өндіріс саласын дамытуға бағытталған.
«Осы меморандум аясында біз мектептердің шатырларына күн фотоэлектрлік жүйесін орнатамыз. Бұл жоба жаңартылатын энергия көздерін тиімді пайдаланудың тамаша үлгісі және болашақта еліміздің басқа аймақтарында енгізілуі мүмкін» деп атап өтті Астана әкімі Әсет Исекешев.
